Հակակոռուպցիոն դատարանում դատավոր Կարապետ Բադալյանի նախագահությամբ այսօր կայացավ ՀՀ գլխավոր դատախազությունն ընդդեմ Սամվել Մայրապետյանի եւ Գագիկ Աղաջանյանի՝ հօգուտ ՀՀ պետական բյուջեի համապարտության կարգով 5 678 764260 ՀՀ դրամ որպես պետությանը պատճառած վնասի հատուցում բռնագանձելու պահանջի մասին դատական նիստը, որի սկիզբը կարճ ժամանակով հետաձգվեց՝ կողմերի ներկայացուցիչների ուշանալու պատճառով:
Քննարկվում էր ապացուցման բեռի բաշխման հարցը: Պատասխանող կողմը ներկայացրել էր բեռի բաշխման որոշումը փոփոխելու, լրացնելու միջնորդություն՝ նոր հանգամանքներ ներառելու համար, սակայն միջնորդությունները մերժվեցին:
Ներկայացվեցին նաեւ հավելյալ ապացույցներ պահանջելու միջնորդություններ, որոնք դատարանը նույնպես մերժեց՝ պատասխանող կողմի կարծիքով՝ անարդարացիորեն:
Դատարանը միեւնույն ժամանակ բավարարեց դատախազության ներկայացուցիչ Աղավնի Մադոյանի միջնորդությունները, որից հետո դատական նիստը հետաձգվեց: Հաջորդ նիստը նշանակվեց 2023 թ. հոկտեմբերի 10-ին, ժամը 10:00-ին:
Կարդացեք նաև
Աշոտ ՀԱԿՈԲՅԱՆ
