Սեպտեմբերի 23-ին Գերմանիայի կանցլեր Օլաֆ Շոլցի գրասենյակի դիմաց բողոքի ակցիա տեղի կունենա՝ Արցախում ցեղասպանությունը կանխելու նպատակով:
Այն համատեղ կազմակերպում են գերմանական Society for Threatened Peoples հասարակական կազմակերպությունը, Recognition Against Genocide, for International Understanding աշխատանքային խումբը, Գերմանիայի հայերի կենտրոնական խորհուրդը եւ Հայ Առաքելական Եկեղեցու Գերմանիայի թեմը:
Ս.թ. Օգոստոսի 23-ին այս կազմակերպությունները բողոքի ցույց էին կազմակերպել Գերմանիայի դաշնային կանցլերի գրասենյակի մոտ՝ պահանջելով միջոցներ ձեռնարկել Արցախում ցեղասպանությունը կանխելու համար:
Ս.թ. սեպտեմբերի 7-ին Society for Threatened Peoples կազմակերպությունը զգուշացրել էր Գերմանիայի կառավարությանը, որ Ադրբեջանը կարող է գրոհ նախապատրաստել Արցախի վրա:
Կարդացեք նաև
Սեպտեմբերի 23-ին կայանալիք բողոքի ակցիայի կազմակերպիչները կոչ են անում Գերմանիայում բնակվող հայերին միանալ դրան:
Ակցիան մեկնարկելու է ժամը 12:00-ին եւ կտեւի մինչեւ ժամը 15:00-ը:
Մեդիամաքս
Լուսանկարի հեղինակ` Nora Erdmann
