ՀՀ հատուկ հանձնարարություններով դեսպան, «Լուսավոր Հայաստան» կուսակցության նախագահ Էդմոն Մարուքյանը «X»-ի իր միկրոբլոգում (նախկինում՝ Թվիթեր) գրել է.
Այս պահի դրությամբ Լեռնային Ղարաբաղի հայերը հազարներով տարհանվում են Հայաստան։ Ինչո՞ւ են այս մարդիկ տարհանվում։ Որովհետև սեպտեմբերի 19-ին Ադրբեջանը ռազմական ագրեսիա իրականացրեց Լեռնային Ղարաբաղի խաղաղ ժողովրդի դեմ, որի հետևանքով ոչ միայն հարյուրավոր զոհեր և վիրավորներ են գրանցվել, այլև հազարավոր խաղաղ բնակիչներ կորցրել են իրենց տները, գյուղերն ու համայնքները։
Այսինքն՝ Լաչինի միջանցքի անօրինական շրջափակման և սեպտեմբերի 19-ի ագրեսիայի հետևանքով բնակչությունը 9 ամիս սովի է մատնված.
1.Նրանք բռնի տեղահանվել են իրենց տներից և նկուղներում 6 օր սոված ու ծարավ քնելուց հետո ոչ թե իրենց տները վերադառնալու, այլ իրենց պապենական հողից տարհանվելու հնարավորություն են ստացել։
Կարդացեք նաև
2.Մենք ընդունում ենք, որ ռուսական խաղաղապահ առաքելությունը չի ապահովել նրանց խաղաղ գոյությունը Լեռնային Ղարաբաղում՝ 2020 թվականի նոյեմբերի 9-ի եռակողմ հայտարարության հիման վրա։
3.Մենք ընդունում ենք, որ ԵՄ-ն, ԱՄՆ-ն և բոլոր միջազգային դերակատարները չկարողացան ապահովել Լեռնային Ղարաբաղի հայերի իրավունքները և անվտանգության երաշխիքները։ Չնայած այն հանգամանքին, որ այս դերակատարներն իրենց միջնորդական ջանքերի ընթացքում բազմիցս հայտարարել են, որ Լեռնային Ղարաբաղի հայերի իրավունքներն ու ապահովությունները պետք է երաշխավորվեն միջազգային մեխանիզմներով, որպեսզի նրանք կարողանան ապահով ապրել իրենց պապենական հողերում։
As of now, the Armenians of Nagorno Karabakh are being evacuated by thousands to Armenia. Why are these people evacuated? Because on September 19, Azerbaijan carried out military aggression against the peaceful people of Nagorno Karabakh, as a result of which, not only hundreds… pic.twitter.com/5V8YjvjdSt
— Edmon Marukyan (@edmarukyan) September 25, 2023
