Քիչ առաջ, երբ ցուցարարները նստարաններով փակեցին Աբովյան փողոցը և փոքր-ինչ հեռու կանգնեցին, մի կին եկավ ու նստարաններից մեկը հեռացրեց՝ բացելով փողոցը։
Այնուհետև, երբ ցուցարարները մոտեցան, այդ կինը սկսեց նրանց վրա գոռգոռալ․ «Իմ տղեն ձեզնից լա՞վն էր․․․ էնտեղ սոված կոտորվում են, փակեք, որ էն խեղճերն էնտեղ կոտորվեն։ Թուրքը կանգնած վախեցնում է, ո՞նց էդ ժողովրդի ղադրը չեք իմանում։ Ղարաբաղցիները մեղք են։ Թուրքն ասում է՝ ուռա, ինչ լավ է, որ սրանք փակում են, մենք էլ էնտեղ հուփ տանք։ Քո պատճառով են անում թուրքերը, այ, էս ճամփա փակելն է անում»։
Այդ կինն ասաց, որ իբր Արցախում կատարվողի մեղավորը ցուցարարներն են․ «Ղարաբաղցու մասին մտածող լինեիք, չէիք թափվի ասֆալտին, ձեր Քոչի հրամանները կատարեիք»։
Կարդացեք նաև
Ցուցարարները փորձեցին կնոջը ինչ-որ բաներ բացատրել, հետո հասկացան, որ անիմաստ է և հեռացան։
Կինն էլ նստեց նստարանին ու դիմելով վարորդներին ասաց․ «Անցեք, ժողովուրդ ջան, գնացեք ձեր գործին, այ, սենց կբացեմ ճանապարհը»։
Տաթև ՀԱՐՈՒԹՅՈՒՆՅԱՆ
