«ԵԱՏՄ անդամակցությունը այլընտրանք չունի մեզ համար, բավական դրական բաներ է բերում մեր երկրին»,- այսօր լրագրողների հետ զրույցում ասաց ՔՊ պատգամավոր, Տարածաշրջանային եւ եվրասիական տնտեսական հանձնաժողովի փոխնախագահ Վաղարշակ Հակոբյանը:
Նա ասաց, որ ՀԱՊԿ-ի նիստերին Հայաստանի չմասնակցելը մեկնաբանվել է ինչպես հրապարակային, այնպես էլ աշխատանքային մակարդակում. «Հայաստանը բոլոր մակարդակներում խոսում է շատ ուղիղ եւ խոսում է ՀՀ պետական շահին համապատասխան»:
Լրագրողները հետաքրքրվեցին՝ մամուլում շրջանառում են, որ իշխանությունը հնարավոր արտահերթ ընտրությունների նախապատրաստական աշխատանքներ է իրականացնում: Վաղարշակ Հակոբյանը վստահեցրեց, որ դա «ֆեյք օրակարգ» է, բամբասանք, քանի որ հիմա ընդդիմության հետ լավ էլ կառուցողական աշխատում են. «Վերջիվերջո մեզ հաջողվեց ընդդիմությանը բերել աշխատանքային կառուցողական դաշտ: Միգուցե նրանք եկան, չափաբաժինները չեմ կարող գնահատել»:
Դիտարկմանը, որ այս իշխանությունն ու ընդդիմությունը նվեր են իրար համար, ինչպես «Կարգին հաղորդման» մեջ են ասում՝ երկուսդ էլ ճիշտ եք՝ Վաղարշակ Հակոբյանը պատասխանեց. «Ես չգիտեմ իշխանությունն ընդդիմության համար ինչքանով է նվեր, բայց որ ընդդիմությունը մեզ համար նվեր է, դա միանշանակ համաձայն եմ»:
Կարդացեք նաև
Հռիփսիմե ՋԵԲԵՋՅԱՆ
