ՄԻՊ գրասենյակի աշխատակիցները չեն այցելել երեկ ձերբակալված էկոնոմիկայի փոխնախարարին եւ Ալեն Սիմոնյանի եղբոր կնոջը։ Այս մասին այսօր կառավարության նիստից հետո լրագրողների հետ ճեպազրույցում ասաց ՀՀ մարդու իրավունքների պաշպան Անահիտ Մանասյանը։
Արդյոք իրավաչա՞փ էին երեկվա ձերբակալությունները, Մանասյանն այս առնչությամբ ասաց՝ ձերբակալության իրավաչափության վերաբերյալ այս պահին գնահատական տալ չի կարող։
Նա ասաց, որ կալանքի կիրառման առումով Հայաստանը միշտ էլ խնդիրներ ունեցել է․ «Իրավասու մարմինները պարբերաբար ասում են, որ կալանքը պետք է կիրառվի բացառիկ դեպքերում»։
Հարցին՝ Ձեզ համարում են ՔՊ-ի մարդու իրավունքների պաշտպան, ՔՊ-ն է ձեզ ընտրել, ե՞րբ են ձեզ տալու լիարժեք ազատություն, պաշտպանը պատասխանեց․ «Նախ՝ ես չեմ աշխատում պոպուլյարություն ձեռք բերելու համար, ինձ ընդհանրապես չի հետաքրքրում հանրային առումով պոպուլյար լինելը։ Ես ապագայում էլ պատրաստվում եմ մասնագիտական գործունեությամբ զբաղվել, մասնագիտական աշխատանքի շրջանակներում թե՛ նախկինում, թե՛ այժմ, հույս ունեմ՝ ապագայում էլ, միշտ հաջողություն ունեցել եմ, հույս ունեմ ապագայում էլ կունենամ։ Իմ աշխատանքը համապատասխանում է ՄԻՊ եւ օմբուդսմանական հաստատության մանդատի վերաբերյալ չափանիշներին»։
Կարդացեք նաև
Նելլի ԲԱԲԱՅԱՆ
Լուսանկարում՝ ԱԺ նախագահ Ալեն Սիմոնյանը եղբոր՝ Կառլենի եւ նրա կնոջ՝ Անի Գեւորգյանի հետ։
