Սարքավորումների արդիականացում, շենքային պայմանների բարելավում և, որ ամենակարևորն է, սպասարկման որակի բարձրացում. Երևանի քաղաքապետարանի ենթակայությամբ գործող առողջության կենտրոններում՝ պոլիկլինիկաներում, վերազինման ու բնակչության որակյալ բուժծառայությունների մատուցման և մատչելիության բարձրացման նպատակով իրականացվում են մի շարք ծրագրեր:
Այս տարվա հունվար ամսից մինչ օրս ամբուլատոր-պոլիկլինիկական հաստատություններ կատարված հաճախումների թիվը կազմել է 116326: Առողջապահության վարչության պետի ժամանակավոր պաշտոնակատարը փաստում է՝ իրականացված աշխատանքը տվել է իր ցանկալի արդյունքը:
Առաջնային բուժսպասարկման կենտրոններում գործում են մի շարք անվճար ծառայություններ, սակայն կան հետազոտություններ, որոնք երաշխավորված չեն պետության կողմից:
Քաղաքացիներին որակյալ ու հասանելի ծառայություններ մատուցելու, ինչպես նաև առաջնային օղակի, առաջնային խնդիրներին լուծում տալու նպատակով համայնքը շարունակելու է տարբեր ծրագրեր իրականացնել:
Կարդացեք նաև
ԵՐԵՎԱՆԻ ՔԱՂԱՔԱՊԵՏԱՐԱՆ
