«Գեղարքունիքի ուղղությամբ կրակոցների մասին ես էլ եմ մամուլից իմացել: Իմ հաճախակի այցերի ժամանակ էնպես է, որ դիրքային առավելություն մենք չունենք, կրակոցներ միշտ լինում են, այնպես չի, որ դա նոր բան է: Հաճախակի են լինում կրակոցներ»,- այսօր լրագրողների հետ զրույցում ասաց «Հայաստան» խմբակցության պատգամավոր Արման Ղազարյանը:
Հարցին՝ դա խաղաղության գնացողի պահվա՞ծք է՝ նա պատասխանեց. «Էդ հարցի հասցեատերը իշխանություններն են, ովքեր քարոզում են իբրեւ խաղաղություն: Ես միայն կարող եմ ասել, որ մենք այդ տարածքներում դիրքային առավելություն չունենք, մեր դիրքերը զիջել ենք թշնամուն սեպտեմբերյան դեպքերից հետո: Մեր պաշտպանության գիծը 70 կմ-ից դարձել է մոտ 240 կմ՝ միայն Գեղարքունիքի հատվածում: Բնականաբար,մենք կարծում եմ, նման ուժեր չունենք, որ ամբողջ սահմանը կարողանանք երկայնքով պահենք»:
Հռիփսիմե ՋԵԲԵՋՅԱՆ
