ՀՀ ԷՆ զբոսաշրջության կոմիտեի կողմից կազմակերպված ճանաչողական այցի շրջանակներում մի խումբ իտալացի լրագրողներ հնարավորություն ստացան բացահայտելու Հայաստանը։ Նրանց ներկայացվեց երկրի յուրօրինակ գեղեցկությունն ու հնագույն մշակութային վայրերը։
Լրագրողներից Լուիջի Ֆարաուտոն հոդված է գրել Հայաստանի մասին «Lonely Planet» կայքում։
Նա ներկայացնում է Հայաստանը որպես յուրահատուկ ճամփորդական ուղղություն, որտեղ չկան մարդկանց կուտակումներ, աղմուկ և նույնանման լուսանկարներ, իսկ դրա փոխարեն կա հազարամյա մշակույթ, համեղ սնունդ, դարերի պատմություն ունեցող գինի և կոնյակ։ Նա նշում է նաև հայ ժողովրդի հյուրընկալության մասին, որը լիարժեք է դարձնում հանգիստը։
Զբոսաշրջության կոմիտե
