Aravot.am-ի տեղեկություններով, փետրվարի 26-ին ոստիկանություն զեկուցագիր է ներկայացվել, որ Լուսակերտի միջնակարգ դպրոցի ուսուցիչ Աշոտ Գալստյանը (լուսանկարում), որը որպես տնօրեն պաշտոնավարել է 1995-2022թթ., 2016թ. հունիս ամսից մինչեւ դեկտեմբեր ամիսը եւ 2017թ. նոյեմբերից մինչեւ 2019թ. օգոստոս ամիսը դպրոցում որպես համակարգչային օպերատոր հրամանագրել է որդուն՝ Նարեկ Գալստյանին, որը աշխատանքի չի հաճախել, սակայն նրա անունով աշխատավարձ է հաշվարկվել եւ վճարվել է ընդհանուր 1.354.449 դրամ:
Ըստ նույն աղբյուրի, այնուհետեւ Ա. Գալստյանի կինը՝ Լուսակերտի միջնակարգ դպրոցի տնօրեն Սվետլանա Սահակյանը 2023թ. օգոստոս ամսին դպրոցում որպես համակարգչային օպերատոր հրամանագրել է որդուն՝ Ն. Գալստյանին, որը շարունակել է էլի աշխատանքի չհաճախել, սակայն ստացել է աշխատավարձ:
Կազմված փաստաթղթերն ուղարկվել են ՀՀ Հակակոռուպցիոն կոմիտե:
