«Հանուն հավասար իրավունքների» կրթական կենտրոնի նախագահ, «Իմ քայլը» խմբակցության նախկին պատգամավոր Գայանե Աբրահամյանի ֆեյսբուքյան գրառումը
Մանե Թանդիլյան ջան, լիովին հասկանում եմ հուսահատ, ծայրահեղ այս միջոցի դիմելու որոշումդ, բայց անկեղծորեն խիստ մտահոգված եմ առողջության անդառնալի վնասի հնարավորությամբ, մինչդեռ այս քայլի արդյունավետությունը չգիտեմ որքան է, թերեւս` քիչ, չգիտեմ անգամ ինչ մեխանիզմով է հասնելու Ռուբեն Վարդանյանին բոլորիս խնդրանքն ու հորդորը, որ ինքն էլ դադարեցնի, ու դեռ շարունակի հավատալ, բոլորս հավատանք, որ համատեղ ջանքերով հնարավոր է ալիեւյան հանցագործ ռեժիմի ճիրաններից փրկել մեր բոլոր գերիներին։
Բայց դու նաեւ պետք է լինես այդ ուժերը համախմբող, այլ լուծումներ վստահաբար կան ու դեռ բոլոր գործիքները չեն սպառված, ջանքեր պետք է դնել միջազգային, դերակատարների դռները թակելու, ներսից իրենց իսկ քաղաքացիների կողմից պարտադրելու` միջամտել եւ բանակցել Ալիեւի հետ։
Գերիների վերադարձի համար երրորդ կողմի միջամտությունն է պետք, այլ մեխանիզմ չի գործում այլեւս, իսկ այդ միջամտությունը հնարավոր է եթե հենց ներսից, տվյալ երկրների քաղաքացիներից, մեր սփյուռքի հայրենակիցներից խնդրանք ու պարտադրանք լինի։
Կարդացեք նաև
Խնդրում եմ հացադուլի փոխարեն այս գործողությունների լծվել, որի արդյունավետությունը գուցե ավելին կլինի, քան քո առողջությունը մաշող, վտանգող քայլը։
Խնդրում եմ դադարեցրե’ք հացադուլը։
Ժուռնալիստների «Ասպարեզ» ակումբի խորհրդի նախագահ Լևոն Բարսեղյանի ֆեյսբուքյան գրառումը
Մանե Թանդիլյանին խնդրում եմ դադարեցնել հացադուլը, համոզված եմ, որ այդ զոհողությունը մի կողմից չի ազդելու «դատավարության» եւ գերիների նկատմամբ վերաբերմունքի փոփոխման վրա, մյուս կողմից վնասում է իր առողջությանը:
