ՀՀ գլխավոր դատախազությունը Ռուսաստանից Հայաստան 4.3 միլիարդ դրամի ոչ պիտանի ռազմամթերք ձեռք բերելու գործով ԳՇ նախկին պետ Մովսես Հակոբյանից և հրթիռային զորքերի և հրետանու վարչության նախկին պետ, գեներալ-մայոր Արմեն Հարությունյանից պահանջում է մոտ 4.3 մլրդ դրամ բռնագանձել։ Գործը դատարանում է:
Ըստ Հանրային հեռուստաընկերության՝ տեխնիկան 2017-ին է տրամադրվել Հայաստանի և Լեռնային Ղարաբաղի զորամասերին, և 44-օրյա պատերազմի ժամանակ պարզվել է, որ ռադիոլոկացիոն կայաններն անսարք են:
Նշվում է, որ 2016 թվականի հուլիսի 21-ին ՀՀ պաշտպանության նախարարության և ռուսական «Ռոսօբորոն էքսպորտ» ընկերության միջև կնքվել է պայմանագիր, որը Հայաստանի անունից ստորագրել է այդ պահին պաշտպանության փոխնախարար, նյութատեխնիկական ապահովման դեպարտամենտի պետի պաշտոնը զբաղեցնող Մովսես Հակոբյանը։ Այդ պայմանագրով ձեռք է բերվել 15 լրակազմ «Աիստյոնոկ» տեսակի ռադիոլոկացիոն կայան։:
2022 թվականի հունիսի 17-ին ԱԱԾ-ն տեղեկացրել էր Արմեն Հարությունյանի ձերբակալության մասին։ 2025 թվականի մարտի 25-ին լրատվամիջոցները գրեցին, որ անորակ հրթիռներ ձեռք բերելու գործով Հարությունյանի նկատմամբ քրեական հետապնդումը դադարեցվել է արդարացման հիմքով։
Կարդացեք նաև
Ե՛վ Հակոբյանը, և՛ Հարությունյանն իրենց վերագրվող մեղադրանքները չեն ընդունում։ Մովսես Հակոբյանի նկատմամբ խափանման միջոց է ընտրվել 10 մլն դրամ գրավն ու բացակայելու արգելքը։
