Ermenihaber. Ապրիլի 3-ին Սերբիայի մայրաքաղաք Բելգրադում տեղի է ունեցել ՈւԵՖԱ-ի 49-րդ համագումարը։ Օրակարգային հարցերի թվում է եղել Գործադիր կոմիտեի և ՖԻՖԱ-ի խորհրդում ՈՒԵՖԱ-ն ներկայացնելու անդամների ընտրությունը։ ՈւԵՖԱ-ի անդամ 55 ասոցիացիաների ներկայացուցիչների քվեարկության արդյունքում Հայաստանի ֆուտբոլի ֆեդերացիայի (ՀՖՖ) նախագահ Արմեն Մելիքբեկյանը 4 տարով ընտրվել է ՈՒԵՖԱ-ի գործադիր կոմիտեի անդամ։
Մելքիբեկյանի ընտրությանն անդրադարձել է թուրքական մամուլը՝ նշելով, որ Թուրքիան երկար տարիներ է ներկայացուցիչ չունի ՈՒԵՖԱ-ի խորհրդում, իսկ Հայաստանն ու Իսրայելը ունեն։
Մասնավորապես լրատվական կայքերում նշվում է, որ Թուրքիայի ֆուտբոլի ֆեդերացիան չի կարողացել գործադիր խորհրդի նոր թեկնածու առաջադրել և Թուրքիան ընտրությանը չի մասնակցել։
Շեշտվում է, որ Թուրքիան չունի ներկայացուցիչ և այլևս չի կարող մասնակցել ՈՒԵՖԱ-ի գործադիր խորհրդի նիստերին, մինչդեռ Հայաստանից Արմեն Մելիքբեկյանը ընտրվել է 4 տարի ժամկետով, իսկ Իսրայելից Մոշե Զուարեսը՝ 2 տարի ժամկետով։
