«Չկա մարդ, որ ցանկանում է պարտություն ունենալ, բացի այս չարիքից, որը գովերգում է պարտությունը, այն պարտությունը համարում է բոլորինը, վերագրում է բոլորիս եւ իր պարտությունը փորձում է տարածելով մեզ վրա՝ ներկայացնել որպես հաղթանակ, ինքնիշխանություն, ձեռքբերում, անկախության նվաճում… խեղկատակ»,- ուղիղ եթերում ասաց Սրբազան շարժման առաջնորդ Բագրատ արքեպիսկոպոս Գալստանյանը՝ նկատի ունենալով Նիկոլ Փաշինյանին:
Ապա անդրադարձավ Գյումրիում եւ Փարաքարում կայացած ընտրություններին. «Ուզում եմ շնորհավորել Գյումրիում, Փարաքարում, մեր համայնքներում հայրենիք ունեցող մարդկանց՝ հաղթանակի առիթով…Դժվարություններ կային հատկապես Գյումրիում, որոնք այս պահին գոնե հաղթահարվել են, եւ հուսով եմ, որ այդպես էլ կշարունակվի՝ ճիշտ ճանապարհով ընթանալով այն սկզբունքով, ինչ մեր տերն ասում է՝ ուրացիր քո անձը, բան չես շահելու… Աշխարհն էլ շահես, անձդ կորցնես, ինչ օգուտ ունի… Բոլոր տեսակի հաշիվները՝ մեծ ու փոքր, իրավացի կամ ոչ, ավելին չեն, քան մեր կյանքը, մեր գիտակցությունը, մեր հայրենիքը, մեր պետությունը եւ մեր Աստված»:
Մանրամասն՝ տեսանյութում
Կարդացեք նաև
