«Իմ քայլը» դաշինքի նախկին պատգամավոր, ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի ֆեյսբուքյան գրառումը
Ասում եմ՝ սենց որ գնաց մի օր կպարզվի՝ Ալիևը լատենտ նիկոլական է։
Իսկ եթե հումորը մի կողմ դնեմ, ապա ես շարունակում եմ տեսնել ու ցույց տալ փաստերով, որ Փաշինյանի ու նրա քաղաքական թիմի «Իրական Հայաստանի» մասին թեզը դա Բաքվում ու Անկարայում մշակված թեզ է։ Հայաստանում ոչ մի քաղաքական ուժ, առավել ևս՝ իշխանության գտնվող ուժ չի դրել պատմական Հայաստանի հարց, դա կեղծ ու արհեստական դիսկուրս է, որի նպատակն է՝ ցույց տալ, որ երբ գալիս են մեզ սպանելու ու հայրենազրկելու, ապա պայքարել պետք չի, որ ողջ Արցախյան շարժումը սխալ էր․․․
Մի խոսքով, մի կողմ է դրվում մեր դեմ տարվող ողջ հայատյացության ատելության ու ագրեսիայի քարոզը, փոխարենը մեզ փորձում են Փաշինյանի ու նրա թիմի միջոցով հարկադրել մտածել այնպես, ինչպես իրենք են ուզում, որ մենք մտածենք, սա մեր պետության ու հանրության դեմ մշակված քաղաքական, շատ վտանգավոր ծրագիր է․․․
