Հակակոռուպցիոն դատարանում, դատավոր Նարինե Ավագյանի նախագահությամբ, ըստ հայցի՝ ՀՀ գլխավոր դատախազությունն՝ ընդդեմ Գյումրիի նախկին քաղաքապետ Վարդան Ղուկասյանի եւ մյուսների՝ ապօրինի ծագում ունեցող գույքի բռնագանձման պահանջի վերաբերյալ դատական նիստին Վարդան Ղուկասյանը եւ նրա հետ փոխկապակցված անձինք չէին ներկայացել։
Վարդան Ղուկասյանի շահերը ներկայացնող փաստաբան Առնոլդ Վարդանյանը միջնորդեց նիստն անցկացնել դռնփակ ռեժիմով՝ հիմնավորելով, որ ուսումնասիրվելու են անձնական եւ բանկային գաղտնիք պարունակող փաստաթղթեր։
Դատարանը բավարարեց միջնորդությունը։
Աշոտ ՀԱԿՈԲՅԱՆ
