Մոսկվայի «Լոկոմոտիվի» եւ ֆուտբոլի Հայաստանի ազգային հավաքականի պաշտպան Նաիր Թիկնիզյանը, որի պայմանագրի ժամկետը ակումբի հետ գործում է մինչեւ 2026 թվականի հունիսը, պատասխանել է լրագրողի հարցին, թե արդյո՞ք, ակումբի հետ պայմանագրի ժամկետը երկարացնելու շուրջ բանակցություններ չի վարում: «Այդ մասին պետք է իմ գործակալին հարցնել»,- ասել է նա: Իսկ հարցին, թե այդ գործընթացին չի՞ մասնակցում, պատասխանել է. «Ես այդ մասին ընդհանրապես չեմ մտածում: Ճիշտն ասած, հիմա պայմանագիրն ինձ ընդհանրապես չի հետաքրքրում: Մրցաշրջանի կարեւոր հատվածն է՝ մնացյալը: Պետք է ամեն մի խաղում ցուցադրեմ լավագույն որակներս»,-ասել է նա:
25-ամյա Նաիր Թիկնիզյանն ընթացիկ մրցաշրջանում «Լոկոմոտիվի» կազմում մասնակցել է 30 խաղի, դարձել 2 գոլի հեղինակ եւ կատարել է 4 գոլային փոխանցում: Նրա տրանսֆերային արժեքը գնահատվում է 6 մլն. եվրո:
Աշոտ ՀԱԿՈԲՅԱՆ
