«Պարոն Գաբրիելյան Սիսակ, կարծում եմ, որ ձեր տեսակետն արտահայտելը տեղին չէ, նաեւ էթիկետի առումով»,- խորհրդարանում այսօր դիմելով իշխող խմբակցության պատգամավոր Սիսակ Գաբրիելյանին՝ ասաց «Հայաստան» խմբակցության ղեկավար Սեյրան Օհանյանը։
Սիսակ Գաբրիելյանն առաջարկել էր Սեյրան Օհանյանին՝ հրաժարվել ծառայողական մեքենայից եւ խոստացել՝ զեղչով տրանսպորտի տարեկան փաթեթ գնել։
Իսկ ծառայողական մեքենայի մասով Սեյրան Օհանյանն ասաց՝ պատրաստ է հրաժարվել իր մեքենայից, եթե Նիկոլ Փաշինյանը հրաժարվի իր ծառայողական մեքենաների կեսից։ Նա առաջարկեց, որ ԱԺ ղեկավարությունն էլ հրաժարվի իրենց սպասարկող ծառայողական մեքենաներից։
Նկատի ունենալով Արցախի հարցով առկա աղետալի իրավիճակն էլ, Սեյրան Օհանյանը ՔՊ-ին համարեց «ոչ թե ժիգուլի, այլ զապորոժեց վարողներ», ովքեր խոսում են «մերսեդեսներից»։
Կարդացեք նաև
Հիշեցնենք, խորհրդարանում քննարկվում է կառավարության 2021-26 թվականների ծրագրի՝ 2024 թվականի ծրագրի կատարման ընթացքը։
«Կատարվում են Ադրբեջանի կողմից առաջարկությունները, պահանջները շատանում են։ Կարծում եմ՝ ձեր վերջին խոսքում կարող եք ասել՝ գոնե լոկ մեկ զիջում Ադրբեջանի կողմից, որն իրականացվել է խաղաղության պայմանագրի ողջ գործընթացի ընթացքում»,-արդեն Նիկոլ Փաշինյանին դիմեց Սեյրան Օհանյանը։
Ըստ նրա, երբ ասվում է՝ «մենք պատրաստ ենք ստորագրել խաղաղության պայմանագիրը», դրան զուգահեռ Մինսկի խմբի լուծարման պայմանագիրը՝ համադրությամբ հետագայում Սահմանադրության փոփոխության հետ, որն Ադրբեջանն է պարտադրում, ՔՊ-ն ոչնչացվում է Արցախի անձնագիրը, վտանգի տակ են դնում Հայաստանի անձնագիրը։
Սեյրան Օհանյանի գնահատմամբ, լուրջ խնդիր ունենք Ազգային անվտանգության ռազմավարության մասով, քանի որ իրադրության փոփոխություն է եղել եւ ռազմավարությունը չի փոխվել, թեեւ հենց իշխող կուսակցության հաստատած փաստաթղթում է փաստվում դա։ Նա ՔՊ-ի կողմից կառավարման ճգնաժամով է բացատրում բոլոր այն ճգնաժամերը, որոնցում այժմ գտնվում են պետությունն ու հասարակությունը։
Մանրամասները՝ տեսանյութում
Նելլի ԳՐԻԳՈՐՅԱՆ
