Բագրատ արքեպիսկոպոս Գալստանյանի գլխավորած «Սրբազան պայքարի» երիտասարդները «Չենք վստահում» գրությամբ 10 մետրանոց պաստառով կաթվածահար էին արել Հաղթանակի կամուրջի երթեւեկությունը:
«Այս իշխանության գործողություններին հետեւելիս՝ թվում է, թե նպատակ է դրել կործանել Հայաստանի Հանրապետությունը: Իրենք երեւի լավ չեն հաշվարկել, որ կա երիտասարդություն, կան իսկական հայեր: Մենք ուզում ենք ունենալ արժանապատիվ հայկական, ազգային պետություն, ազգային իշխանություն»,-հայտարարեց երիտասարդներից մեկը:
Կարդացեք նաև
Երիտասարդները նշում էին, որ չեն կարող համբերել մեկ տարի, որ կայանան ընտրություններ, քանի որ իրենք չեն ուզում, որ Նիկոլ Փաշինյանի իշխանությունը կրկին վերարտադրվի:
Կարմիր բերետավորներ ժամանեցին Հաղթանակ կամրջի մոտ, նրանք հորդորեցին բացել ճանապարհը, սակայն երիտասարդները շարունակեցին իրենց խաղաղ իրազեկման գործողությունները:
Ցույցը սակայն կարճ տեւեց:
Գոհար ՀԱԿՈԲՅԱՆ
