Երեւան քաղաքի ընդհանուր իրավասության դատարանում ընթանում է ԱԺ «Հայաստան» խմբակցության պատգամավոր Լեւոն Քոչարյանի եւ եռամարտի ֆեդերացիայի քարտուղար Սերգեյ Ասատուրովի գործով դատական նիստը։
Վերջին նիստերի ընթացքում հարցաքննվում է տուժող ներկայացած պետանվտանգության գումարտակի տուժած աշխատակից Վարդան Հովհաննիսյանը։ Նա հարցերին չէր կարողանում հստակ պատասխանել եւ ասում էր, որ Լեւոն Քոչարյանին չեն կարողացել բերման ենթարկել, որովհետեւ նա բռնվել է գազելից։ Նաեւ նշեց, որ իրենք մարդկանց բերման էին ենթարկում, քանի որ փակել էին ճանապարհը, իսկ իրենք ուզում էին բացել այն։ Փաստաբաններ Արամ Վարդեւանյանը եւ Էրիկ Ալեքսանյան նկատեցին, որ հանրային մեղադրողը քանիցս տուժած ոստիկանին ուղղորդող, կրկնվող հարցեր տվեց, որոնց մեջ նաեւ պատասխաններն են։
Մանրամասն տեսանյութում․
Կարդացեք նաև
Կարճատեւ ընդմիջումից հետո դատական նիստը շարունակվեց։ Լեւոն Քոչարյանի փաստաբանները պնդում են, որ նրա նկատմամբ կատարվածը քաղաքական հետապնդում է։
Հիշենենք, որ Լեւոն Քոչարյանը ձերբակալվել էր 2023թ․ սեպտեմբերի 22-ին։ Նրան մեղադրանք էր առաջադրվել 4 ոստիկանի նկատմամբ բռնություն գործադրելու համար, մինչդեռ տեսախցիկները ֆիքսել են, որ այն մեքենայում, որով նրան բերման են ենթարկել, հենց նրան են ոստիկանները հարվածել։
Մանրամասն տեսանյութում․
Գոհար ՀԱԿՈԲՅԱՆ
