Համընդհանուր հայտարարագրման ներդրման շնորհիվ գեներացվել է 1 մլրդ դրամ լրացուցիչ հարկ։ Այս մասին կառավարության այսօրվա նիստում ասաց Նիկոլ Փաշինյանը։ Նա նշեց, որ այս պահին սոցիալական կրեդիտների տեսքով ավելի շատ գումար է վերադարձվել, քան լրացուցիչ հավաքագրված հարկերն են։
«Երկուշաբթի օրվա դրությամբ ՀՀ 37 737 քաղաքացիներ համընդհանուր հայտարարագրման համակարգով հայտարարագիր են ներկայացրել։ Նրանցից 17 հազարը պետք է ստանա սոցիալական կրեդիտ, 11 271-ն արդեն ստացել են սոցիալական կրեդիտները։ և, ընդհանուր առմամբ, քաղաքացիները պետական բյուջեից ստացել են 1 մլրդ 482 մլն դրամ։ Այսինքն՝ համարյա 1,5 մլրդ դրամ քաղաքացիներն արդեն հետ են ստացել»,- ասաց նա։
«Մենք շարունակում ենք լավարկել համընդհանուր հայտարարագրման հետ կապված գործընթացները»,- հավելեց Փաշինյանը՝ անդրադառնալով կառավարության այսօրվա նիստում ընդունված՝ լավարկմանն ուղղված որոշմանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
