Մարդու իրավունքների պաշտպան Անահիտ Մանասյանը կառավարության նիստից հետո լրագրողների հետ ճեպազրույցում անդրադարձավ Նոր Նորքի վարչական շրջանի ղեկավարի նստավայրում ակտիվիստ Արթուր Չախոյանին ծեծի ենթարկելու դեպքին։ Ծեծին մասնակցել է անձամբ վարչական շրջանի ղեկավարը։
«Հիմա անմիջապես վերադառնամ գրասենյակ եւ հասկանամ, թե մեր գործառույթների շրջանակներում ինչ անելիք կա»,- ասաց Մանասյանը։
Ըստ նրա՝ հանրային պաշտոնատար անձանց հետ կապված ամենակարեւոր ինստիտուտներից մեկը նրանց էթիկայի եւ բարեվարքության գնահատման ինստիտուտն է։
«Ես համարում եմ, որ այս ինստիտուտը Հայաստանում բավարար չափով կայացած չէ։ Եվ հատկապես այն պաշտոնատար անձանց հետ կապված, որոնց առնչությամբ չկան պատշաճ էթիկայի գնահատման ինստիտուտներ, դրանք պետք է կատարելագործվեն։ Բայց նաեւ կարծում եմ, որ յուրաքանչյուր նման դեպքով էթիկայի հարցը պետք է գնահատման առարկա դառնա»,- ասաց նա։
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
