Այսօր Նոր Նորք վարչական շրջանում ծեծի ենթարկված ու ոստիկանությունից հիվանդանոց տեղափոխված բլոգեր Արթուր Չախոյանին բժիշկներն առաջարկել են հոսպիտալացում եւ հիվանդանոցային բուժում:
«Շուրջ 40 րոպե առաջ բժշկական կենտրոն է տեղափոխվել 37-ամյա երիտասարդ, որն այս պահին հետազոտման փուլում է, կարելի է ասել՝ հիմնական հետազոտությունները ավարտված են: Ունենք որոշակի մարմնական վնասվածքներ, հետագա դինամիկ հսկողության և վիճակը ավելի ռեալ գնահատելու համար առաջարկվել է հիվանդանոցային հսկողություն և բուժում»,-լրագրողների հետ զրույցում ասաց «Սուրբ Գրիգոր Լուսավորիչ» ԲԿ փոխտնօրեն Պետրոս Մանուկյանը:
Նրա խոսքով՝ եթե ցանկություն կլինի, կհոսպիտալացվի նյարդավիրաբուժական բաժանմունքում հետագա հսկողության և բուժման նպատակով. «Ունենք աչքի շրջանում փոքր հեմատոմա և փոքր սալջարդեր և ունենք մեզ անհանգստացնող գլխի վնասվածք, որը դինամիկ հսկողության կարիք ունի։ Դինամիկ հսկողության կլինի, որ հետագայում մենք կարողանանք ավելի օբյեկտիվ գնահատել և տալ իր վնասվածքի ծանրության աստիճանը՝ վիճակի և հետագա բուժման անհրաժեշտության մասին: Առնվազն գոնե 24 ժամ հետո նորից կնկարենք, կտեսնենք, համակարգչային շերտագրությունը, հետազոտությունը, տեսնենք՝ մենք դինամիկորեն ինչ ունենք»:
Կարդացեք նաև
Արփինե ՍԻՄՈՆՅԱՆ
