Քիչ առաջ Գյումրու 1-ին փոխքաղաքապետ ընտրվեց Վարդան Ղուկասյանի փեսան` Ավետիս Առաքելյանը։ Նա եղել է ոստիկանության նախկին աշխատակից, այնուհետ աշխատել է «Գազպրոմում»` որպես ճարտարագետ-չափագետ։ Նա ընտրվեց 17 կողմ, 13 ձեռնպահ ձայներով։
ՔՊ-ի 13 անդամները ձեռնպահ քվեարկեցին։
Ավետիս Առաքելյան
Ավետիս Առաքելյանն ասաց. «Պարտավորվում եմ ընտրվելուց հետո իմ պարտականությունները կատարել պատասխանատվությամբ, խղճով»։
Վարդան Ղուկասյանն էլ ասաց. «Կապ չունի, որ Ավետիսը իմ փեսան է, ես պատասխանատու մարդ եմ, իմ հետ աշխատելն էլ և դժվար է, և հեշտ»։
Կարդացեք նաև
Երկրորդ փոխքաղաքապետ ընտրվեց «Կոմունիստական» կուսակցության ներկայացուցիչ Գագիկ Մանուկյանը։ Նա ասաց, որ անչափ սիրում է իր քաղաքը, իր ուժերը կծառայեցնի Գյումրու զարգացմանը։
Նա ևս ընտրվեց 17 կողմ և 13 ձեռնպահ ձայներով։ Ձեռնպահ քվեարկեցին ՔՊ-ականները։
Գագիկ Մանուկյան
Գագիկ Մանուկյանը հատկապես շնորհակալություն հայտնեց ձեռնպահ քվեարկածներին` ասելով` իր աշխատանքով կապացուցի իր ճիշտ տեղում լինելը։
Նա հիշեցրեց, որ Վարդան Ղուկասյանի հետ աշխատելու տարիներին շատերը խոչընդոտում էին, բայց իրենք ի շահ քաղաքի աշխատում էին։
Գագիկ Մանուկյանը նշեց, որ 10 տարի աշխատել է որպես փոխքաղաքապետ, այդ տարիներին ունեցել են և՜ հաջողություններ և՜ թերացումներ:
Ավագանու նիստը անցավ շատ հանգիստ մթնոլորտում։
Վարդան Ղուկասյանն ասաց, որ ինքը թշնամիներ չունի, իր սկզբունքն է մարդկանց տունը սարքել, ոչ թե քանդել։ Խնդրեց իրեն նայել այդ հայացքով:
Նունե ԱՐԵՎՇԱՏՅԱՆ
