«Այն, ինչ կատարվում է մեր հանրապետությունում՝ թե թմրամիջոցների օգտագործման, թե հանցագործությունների թվի աճի, թե ծեծ ու ջարդի, թե բեսպրեդելի եւ սամասուդի գործողությունների արդյունքում, այս իշխանությունն այնպես է արել, որ մեր հասարակությունը դրան սովորի: Տեսեք, թե ինչ տեղի ունեցավ Նորքի թաղապետարանում: Հասարակական ակտիվիստ Արթուր Չախոյանը բազմաթիվ անօրինականությունների ու թալանի դեպքեր է բացահայտում, սակայն ո՛չ 9 տոկոսանոց քաղաքապետ Տիգրան Ավինյանն է պատժվում, ոչ էլ որեւէ մեկը, որ իրականացնում է այդ թալանը, ոչ էլ Տիգրան Ավինյանի քաղաքական հայրը՝ Նիկոլ Փաշինյանը»,- «Հայելի» ակումբում նշեց «Համահայկական ճակատ» շարժման անդամ Ռուզաննա Ստեփանյանը։
«Այն աղմուկը, որ բարձրացրեց Հանրապետություն կուսակցությունը, միտված էր նրան, որ Արթուր Չախոյանը Ռուսաստանի Դաշնության քաղաքացի է: Բայց դա ի՞նչ նշանակություն ունի: Նաեւ իրենց Ստյոպա Սաֆարյանն ասում է՝ ՌԴ քաղաքացին եկել է այստեղ եւ տեսեք՝ ինչեր է անում…Ստացվում է, որ իրենց համար կապ ունի, թե իրենց թալանը բացահայտողը որտեղի քաղաքացի է: Իսկ ի՞նչ է, այդ ծեծ ու ջարդը, այդ «սամասուդի» գործողությունները, որ իրենք իրականացնում են, ու վազում են դեպի եվրոպական արժեքներ, աղերս կամ առնչություն ունե՞ն եվրոպական արժեքների հետ:
Ես կարծում եմ, որ այն, ինչ տեղի է ունենում Հայաստանում, խուլիգանապետությանը բնորոշ գործողություններ են: Եթե այդպես խոսում են, որ Ռուսաստանի քաղաքացին եկել է ու իրենց թալանն է արձանագրում, ես որպես ՀՀ քաղաքացի՝ հիմա ասում եմ ձեզ, որ ՌԴ-ն 2024-2028 թվականների համար 7 մլրդ ռուբլի է հատկացրել Հայաստանի դպրոցահասակներին անվճար սնունդ ապահովելու համար: Ցավոք, այս մասին ոչ հայկական լրատվամիջոցներն են խոսել, ոչ էլ իշխող կուսակցությունը, բայց մենք այդ 7 մլրդի ճակատագիրը չգիտենք, պարզ չէ, թե որտեղ է դա մսխվել: Մենք չգիտենք նաեւ որեւէ դպրոց, որտեղ անվճար սնունդ է տրվում դպրոցականներին»,-ընդգծեց Ռուզաննա Ստեփանյանը:
Կարդացեք նաև
Գոհար ՀԱԿՈԲՅԱՆ
