Լրահոս
Օրվա լրահոսը

«Կրթվելը նորաձև է» շարժումը հասավ սահմանամերձ Բերդավան. Աննա Հակոբյանի ելույթի թեման էր՝ «Մնացել ենք 5-րդ դարում»

Մայիս 03,2025 21:57

Ինչպես սահմանված է «Կրթվելը նորաձև է» շարժման ռազմավարության մեջ, մենք շարունակելու ենք կրթարշավը՝ մինչև այն հասնի ամենավերջին գյուղի, ամենավերջին տանն ապրող բնակչին։

Այսօր Շարժումը կանգ առավ Բերդավանում։ Սահմանամերձ այս համայնքում միջոցառումը, լի կրթվելու անկասելի ձգտումով լցված 500 մասնակիցներով, առանձնացավ իր յուրօրինակ ձևաչափով։ Այն սկսվեց ոչ թե ավանդական
բանախոսություններով, այլ անմիջապես ակտիվ և բովանդակալից հարցուպատասխանով։

Մասնակիցներից մեկը իր խոսքը սկսեց սևակյան տողերով, մյուսը բարձրացրեց կրթական բարեփոխումներին առնչվող հարցեր, երրորդը կիսվեց իր դիտարկումներով դպրոցների ներկա պայմանների վերաբերյալ։ Իսկ մի մասնակից
փոխանցեց իր աշակերտների երկու նախագծերը, որոնք ստեղծվել էին հենց այս շարժումից ոգեշնչված։ Մասնակիցների կողմից հնչեցրած ամենախորհրդանշական մեջբերումներից էր․ «Կրթությունը ամենաժամանակակից, երբեք չհնացող
նորաձևությունն է։ Կրթությամբ ապրում ու հաղթում են սերունդները։ Մենք ցույց կտանք, որ կրթված Հայաստանը ոչ միայն երազանք է, այլև իրականություն»։

Ինչպես միշտ, միջոցառումն ուղեկցվեց սուրճի ընդմիջմամբ, անմիջական շփումներով վարչապետի և տիկին Աննա Հակոբյանի հետ, լուսանկարներով ու անկեղծ զրույցներով։ Իսկ երաժշտական ընդմիջման ընթացքում բեմ բարձրացան «Քամանչա» ժողովրդական նվագարանների համույթը, Բերդավանի գեղագիտական կենտրոնի «Դափնե» պարային համույթը, ինչպես նաև դերասաններ՝ «Եկ սովորենք միասին» խորագրով բեմական գեղեցիկ ներկայացմամբ։

Բանախոսությունները երեքն էին․ տիկին Աննա Հակոբյանի «Մնացել ենք 5-րդ դարում» բանախոսությունը և ՀՀ վարչապետ Նիկոլ Փաշինյանի «Իմանալ՝ ինչպես» ու «Իրական Հայաստան» թեմաներով ելույթները։

Կրթությունը երբեք շատ չի լինում։ Այս շարժումը բոլորիս համար նոր մեկնարկ է՝ սովորելու, ինքնակրթվելու, մտածելու, բացահայտելու մեր ներաշխարհն ու շրջապատող աշխարհը:

ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Ասֆալտին պառկեցված says:

    Էդ նորաձև կրթությունը որն? է, որ բարձրագույն կրթություն չես ունենում և գիրքը ձեռքիդ տան հատակին պառկում ու ինչ-որ բան կարդում?:

Պատասխանել

Օրացույց
Մայիս 2025
Երկ Երե Չոր Հնգ Ուրբ Շաբ Կիր
« Ապր   Հուն »
 1234
567891011
12131415161718
19202122232425
262728293031