«Առավոտը» «Շտիգեն» ընկերությունների խմբի հետ համատեղ նախաձեռնում է նոր հաղորդաշար՝ «Ազգային բուրժուազիա»: Անվանումը հավակնոտ է՝ դրա երկու բաղադրիչներն էլ բազմաթիվ հարցեր են առաջացնում: «Ազգայինը» բազմանշանակ է՝ «կեղծը» եւ «իրականը» հաճախ հայտնվում են սուր բանավեճերի առանցքում: «Բուրժուազիան» նույնպես միանշանակ չի ընկալվում ու կարող է մեկնաբանվել նաեւ բացասական իմաստով:
Սակայն այդ երկու հասկացությունների համադրությունը ներուժ ունի՝ դուրս բերելու խոսակցությունը փոխադարձ մեղադրանքների եւ զուտ քաղաքական պայքարի դաշտից եւ կառուցողականություն ներմուծել հասարակական բանավեճի մեջ:
Գործարար համայնքի այն ներկայացուցիչները, որոնց նպատակը միայն գումարներ աշխատելը չէ, ի վիճակի են ձեւավորել համակարգային ճգնաժամից դուրս գալու ազգային օրակարգը: «Առավոտի» տաղավարում կհայտնվեն նաեւ այն հանրային գործիչները, մտավորականները, որոնց այդ օրակարգի շրջանակներում իսկապես հուզում է մեր պետության եւ հայության ճակատագիրը:
Կորպորատիվ ազգային պատասխանատվությունը ոչ միայն բիզնեսի որոշակի ներգրավվածությունն է հասարակական խնդիրների մեջ: Դա նաեւ լայն շրջանակներ ընդգրկող երկխոսություն է, որի նպատակն է նոր մթնոլորտի եւ իրապես պատասխանատու մարդկանց շերտի ձեւավորումը:
Կարդացեք նաև
Հաղորդաշարը վարելու է Արամ Աբրահամյանը:
Առաջին հաղորդումը՝ շուտով:
