«ՀՀ կառավարության ֆինանսավորմամբ այս տարի գյուղատնտեսության ոլորտում ապահովագրական համակարգի ներդրման ծրագրով նախատեսվել է 70-80 տոկոս ապահովագրավճարի սուբսիդավորում մեր քաղաքացիների համար։ Մենք արդեն ունենք բազմաթիվ շահառուներ, որոնք դիմել են այս ծրագրին և կարող են ստանալ մինչև 80 տոկոս սուբսիդավորում։
Ինչ վերաբերում է այն քաղաքացիներին, որոնք չեն հասցրել ապահովագրել իրենց այգիները, ապա նշեմ, որ կիրականացվի վնասի գնահատում, որից հետո կփորձենք մեր հնարավորությունների շրջանակում աջակցել»,- այսօր ԱԺ-ում, պատասխանելով պատգամավորի հարցին, նշել է ՀՀ էկոնոմիկայի նախարար Գևորգ Պապոյանը։
Նախարարի ելույթն ամբողջությամբ՝ տեսանյութում։
ՀՀ էկոնոմիկայի նախարարություն
