«Մենք չենք պատրաստվում արտահերթ ընտրությունների»,- խորհրդարանում հարցուպատասխանի նիստի ժամանակ ասաց ՀՀ վարչապետ Նիկոլ Փաշինյանը՝ վստահեցնելով, որ իր ղեկավարած կառավարությունն իր գործով է զբաղված։
«Ինչ որ պետք է, որ նկատի ՀՀ քաղաքացին՝ ՀՀ քաղաքացին կնկատի։ Իսկ ես իմ անելիքը տեսնում եմ ՀՀ քաղաքացիների հետ շփումները հնարավորինս ուղիղ եւ չմիջնորդավորված ունենալը»,- ասաց Նիկոլ Փաշինյանը՝ հավելելով, որ և ինքը, եւ իր մյուս գործընկերներն ակտիվ շփումներ են ունենում քաղաքացիների հետ եւ ծանոթ ձեռագիրն այն է, որ եթե քաղաքացին պաշտոնյա է տեսնում, դա ուղիղ ապացույցն է նրա, որ կառավարությունը պատրաստվում է արտահերթ ընտրությունների։
«Քաղաքացիական պայմանագիր» խմբակցության պատգամավոր Հռիփսիմե Գրիգորյանն էր Նիկոլ Փաշինյանին հարց տվել՝ ասելով, որ Հայաստանի դեմ հիբրիդային պատերազմ է մղվում տեւական ժամանակ եւ դա սրվում է, քանի որ տարին նախընտրական է։
Կարդացեք նաև
Էներգիան սխալ ուղղությամբ եւ սխալ տեղ ուղղորդելու փորձ է դիտարկում Նիկոլ Փաշինյանը հիբրիդային պատերազմները եւ կարծում է, որ ասելիք ժողովրդին պետք է ասվի․ «16 միլիոնի ծրագրով 2000 տուն է կառուցվում սահմանամերձ գյուղերում․ ինչ հիբրիդային պատերազմ էլ լինի, չի կարող այդ տները, դպրոցները, մանկապարտեզները, ճանապարհները վերացնի»։
Մանրամասները՝ տեսանյութում
Նելլի ԳՐԻԳՈՐՅԱՆ
