ՀՀ գլխավոր դատախազությունը ուսումնասիրություն է կատարել Սյունիքի նախկին մարզպետ Հունան Պողոսյանին, նրա որդուն՝ Հովհաննես Պողոսյանին եւ եւս մեկ անձի՝ Նունե Պողոսյանին պատկանող գույքի առնչությամբ, եւ հրապարակային ծանուցել է, որ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում կազմվել է ամփոփագիր եւ հրավիրում է վերոնշյալ վարչություն՝ ծանոթանալու գործի նյութերին, ներկայացնելու դիրքորոշում, ինչպես նաեւ հայտարարագիր:
Այսօր Հունան Պողոսյանը միայնակ, առանց փաստաբանի ներկայացել էր ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն:
Կարճ ժամանակ անց դուրս գալով՝ Հունան Պողոսյանը հրաժարվեց գործի վերաբերյալ Aravot.am-ին որեւէ տեղեկություն փոխանցել՝ ասելով. «Դեհ, մարդիկ աշխատանք են կատարել: Գործի նյութերին դեռ ծանոթ չեմ, նոր եմ ծանոթանում: Այնպես որ ասելիք այս պահին չկա»:
Աշոտ ՀԱԿՈԲՅԱՆ
