«Եթե ստորաքարշ վիճակով ենք խաղաղություն ստանալու, ավելի լավ է՝ չլինի այդ խաղաղությունը, որովհետեւ մենք պատերազմ էլ ենք տեսել, հաղթանակ էլ ենք տեսել։ Եվ այսօր այդ հաղթանակի օրն է, եւ ոչ միայն մեկ անգամվա հաղթանակ, այլ կրկնակի հաղթանակի օրն է այսօր։ Չմոռանանք, որ հայ զինվորն է մտել Բեռլին, «Սասունցի Դավիթ» շարասյունով մտել են Բեռլին։ Եվ այսօր նորից հաղթանակի օր է, այս անգամ հայ զինվորի՝ Շուշի մտնելու եւ Շուշին վերցնելու։ Մեր կառավարությունն այսօր այդ ամեն ինչը նսեմացնում է»,- Հաղթանակի զբոսայգում լրագրողներին ասաց թուրքագետ Տիրան Լոքմագյոզյանը։
Նա նշեց, որ 300 հազար նահատակված հայ զինվորների սխրագործություններն այսօր վերացվում են Հայաստանի իշխանության կողմից, ինչպես վերացվեց այն ամենը, ինչ կատարվեց Արցախյան պատերազմի ժամանակ։ Մեր հերոսություններն ու զոհողությունները զրոյացվեցին ՀՀ այսօրվա իշխանությունների կողմից։ «Սակայն մենք՝ որպես հայ ժողովուրդ, պետք չէ, որ հետեւենք այս իշխանությունների աշխատաոճին։ Եվ մենք պետք է ամեն գնով ցույց տանք, որ արժեւորում ենք մեր նահատակների արյունը»,- հավելեց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
