Հունահռոմեական ոճի ըմբշամարտի Հայաստանի ազգային հավաքականի նախկին անդամ, Օլիմպիական խաղերի արծաթե մեդալակիր, աշխարհի չեմպիոն, աշխարհի գավաթի հաղթող, Եվրոպայի չեմպիոն, գյումրեցի Արսեն Ջուլֆալակյանը, որը 2024 թվականից հանդես է գալիս Արգենտինայի դրոշի ներքո, Մեքսիկայի Մոնտերեյ քաղաքում ընթացող Պան-Ամերիկյան երկրների առաջնությունում 77 կգ քաշային կարգում նվաճել է արծաթե մեդալ:
Արսենն այդպես ինքն իրեն հաճելի նվեր է մատուցել իր ծննդյան առթիվ՝ այդ տիտղոսին արժանանալով 38 տարեկանում: Սկսելով քառորդ եզրափակչից՝ անվանի ըմբիշը նախ 8:0 հաշվով պարտության է մատնել հոնդուրասցի մրցակցին, ապա կրկին «չոր»՝ 9:0 հաշվով առավելության է հասել Վենեսուելայի ներկայացուցչի նկատմամբ եւ միայն եզրափակիչ գոտեմարտում է համառ պայքարում 7:11 հաշվով զիջել ամերիկացի Կամալ Բեյին:
Աշոտ ՀԱԿՈԲՅԱՆ
