Իշխող «Քաղաքացիական պայմանագիր» խմբակցության պատգամավոր Անդրանիկ Քոչարյանն այսօր խորհրդարանում հիշեց բնապահպանության նախկին նախարար Արամ Հարությունյանին։ Վերջինիս նկատմամբ հետախուզում է հայտարարվել։
Անդրանիկ Քոչարյանը Հակակոռուպցիոն կոմիտեի նախագահ Արթուր Նահապետյանից հետաքրքրվեց․ «Մի նախկին նախարար կար, բնապահպանության, հետախուզման մեջ էր․․․ ի՞նչ կա»։
Արթուր Նահապետյանը Արամ Հարությունյանի մասով չկոնկրետացրեց, միայն ասաց, որ անհրաժեշտ օպերատիվ գործողություններ են իրականացվում՝ հետախուզվող անձանց հայտնաբերելու եւ վարույթ իրականացնող մարմնին ներկայացնելու։
Մանրամասները՝ տեսանյութում
Կարդացեք նաև
Հիշեցնենք, նախկին պատգամավոր, նախարար Արամ Հարությունյանը («Բուլկի Արամ») 2003-2007 թթ․ մասնավորեցրել էր Հանրապետության հրապարակին հարող՝ Տիգրան Մեծի 4 հասցեում գտնվող շենքը։ Նրան պատկանող «Հանարդ» ընկերությունը Պետգույքի կառավարման վարչությանը, ֆիննախին վարձով տարածքներ էր տրամադրում, որի դիմաց պետբյուջեից մեծ գումարներ էին վճարում։ Հետո Արամ Հարությունյանին մեղադրանք առաջադրվեց առանձնապես խոշոր չափերի կաշառք ստանալու եւ փողերի լվացման համար, նա թաքնվեց իրավապահներից՝ մինչ օրս հետախուզվում է:
Հակակոռուպցիոն կոմիտեի նախագահը ներկայացնում էր 2024 թվականի հաշվետվությունը։
Մանրամասները՝ տեսանյութում
Նելլի ԳՐԻԳՈՐՅԱՆ
