«2000-ական թվականներին մի հայտնի պաշտոնյա կար՝ Մաքսային կոմիտեի նախագահ Արմեն Ավետիսյան, որը նաեւ ժամանակին ԱԱԾ 4-րդ վարչության պետն էր՝ տնտեսական հանցագործությունների մասով եւ հայտնի «Գոլդեն Փելեսի» սեփականատերը (լուսանկարում)։ Հյուրանոցը երեք կառույց ուներ, որը 90 միլիոն էր գնահատվում։ Ծաղկաձորի վաճառքի մասին մենք տեղյակ ենք, բայց այդ պաշտոնյան՝ հարյուրավոր գործարարների՝ շորթումով, տարբեր մեխանիզմներով հարստահարեց, եւ ՀՀ-ն լքեցին հազարավոր ընտանիքներ։ Հիմա մենք ի՞նչ, պետք է բավարարվենք, որ սա մի շենք ուներ, այդ շենքը հանձնեց ու վե՞րջ»,- խորհրդարանում Հակակոռուպցիոն կոմիտեի նախագահ Արթուր Նահապետյանին դիմեց իշխող խմբակցության պատգամավոր Սերգեյ Բագրատյանը։
Նա առաջարկում է՝ քննել Արմեն Ավետիսյանի հանցագործությունների հետեւանքները, որոնք միլիոնավոր դոլարների վնաս են հասցրել պետությանը։ Սերգեյ Բագրատյանն ասաց նաեւ՝ եթե այս գործը ներկայումս չի քննվում, ինքը հաղորդում կներկայացնի հանցագործության մասին եւ վստահեցրեց, որ հարյուրավոր մարդիկ կվերադառնան, ցուցմունք կտան, թե ի՞նչ դժբախտություններ է այդ պաշտոնյան պարգեւել իրենց։
Արթուր Նահապետյանն առաջարկեց պատգամավորին՝ դիմել կոմիտե, եթե հիմքեր լինեն ընթացք կտրվի։
Մանրամասները՝ տեսանյութում
Կարդացեք նաև
Հակակոռուպցիոն կոմիտեի նախագահը ներկայացնում էր 2024 թվականի հաշվետվությունը։
Մանրամասները՝ տեսանյութում
Նելլի ԳՐԻԳՈՐՅԱՆ
