Ավելի քան մեկ ժամ է Հայաստանում Վրաստանի դեսպանատան մոտ գինի, կոնյակ արտադրող, արտահանող ընկերությունների ու բեռնափոխադրող ընկերությունների ներկայացուցիչներին սպասեցնելուց հետո՝ վերջապես ընդունեցին ցուցարարների ներկայացուցիչներին:
Ցույցի մասնակիցները մինչ այդ ժամանակ էին տվել դեսպանատանը, նախ 20 րոպե, ավելի ուշ՝ ոստիկանների միջոցով դեսպանատանը փոխանցել էին, որ եւս 15 րոպե կսպասեն, եթե իրենց չընդունեն, իրենք կտրուկ քայլերի կդիմեն, այդ թվում՝ ճանապարհ կփակեն:
Կարդացեք նաև
Մինչ այդ ցուցարարները մի կարճատեւ ժամանակով ` «ձեռքերդ հեռու հայ արտադրողից» եւ նմանատիպ այլ պաստառներով փողոցը փակեցին, սակայն ոստիկանների հորդորով բացեցին:
Իսկ արդեն Հայաստանում Վրաստանի դեսպանի հետ հանդիպումից հետո ցուցարարները դուրս եկան տպավորությամբ, որ դեսպանը տեղյակ չէր խնդրից: Ցուցարար Գայանե Պողոսյանը լրագրողներին ասաց. «Միգուցե տեղյակ էին, բայց ոչ այսքան խորքային, ինչքան իրողությունն է: Մանրամասն ներկայացրինք խնդիրը, խոստացան ընթացք տան»:
Գայանե Պողոսյանն ասաց՝ եթե իրենց խնդիրը չլուծվի իրենք շարունակելու են իրենց բողոքի գործողությունները:
Արփինե ՍԻՄՈՆՅԱՆ
