«Հենակետ» վերլուծական կենտրոնի փորձագետ Շիրազ Խաչատրյանի ֆեյսբուքյան գրառումը
ՔՊ-ական պատգամավորի այն նախագիծը, որ զինապարտներին հնարավորություն է ընձեռվում 15-20 մլն վճարելով՝ ավելի քիչ ծառայեն (կամ փաստացի չծառայեն), բազմաթիվ հարցեր է առաջացնում ու լրիվ տեղավորվում է իշխանականների՝ բանակում քայքայիչ մեխանիզմներ ներդնելու հերթական քայլերի տրամաբանության մեջ:
Փաստացի, իշխանական պատգամավորը փող ունեցող ընտանիքների երեխաներին շատ ավելի թեթև ծառայության ուղարկելու մեխանիզմ է առաջարկում:
Այն, որ այս նախագիծը հանգեցնելու է հասարակության շրջանում մեծ բևեռացման, դա ակնհայտ է, իսկ հասարակության բևեռացման հարցը պետության ամենամեծ անվտանգային խնդիրներից մեկն է: Էլ չեմ ասում, որ այս քայլերը ավելի շատ ուղղված են հայրենասիրության և արժեքային համակարգի կազմալուծմանը, երբ պետությունը «օրինականացնում» է բանակից ազատվելու հնարավորությունը՝ փողի դիմաց, դա ուղերձ է, որ բանակում ծառայելը ոչ թե հայրենիքի հանդեպ պարտք է, համոզմունք,այլ տույժ ու տուգանքի սովորական օբյեկտ:
Կարդացեք նաև
Մեր նման երկրներում պարտադիր զինվորական ծառայությունը ողջ ազգաբնակչության ռեզերվային ռազմուժի պատրաստման միջոց է նաև, իսկ եթե ամեն տարի օրենքով ավելի ու ավելի շատ մարդիկ են «փողով ազատվում», ապա դրանից երկրի մոբիլիզացիոն ռեսուրսը կտրուկ նվազելու է, ինչը մեր համար ռազմավարական սպառնալիք է։
Սրանք չեն հասկանում, որ պետությունը մարտունակություն չի ապահովում միայն գումարով, գումարային լրացուցիչ այդ հոսքերը չնչին են և չեն փոխարինելու մարդկային ռեսուրսին, իսկ նմանատիպ մեխանիզմները հասարակությանը մղում են սոցիալական անարդարության խորացմանը, որը երկարաժամկետում քայքայող հետևանքներ է ունենալու պետականության համար..երևի սրանց ուզածն էլ հենց դա է…
