Վարչապետ Նիկոլ Փաշինյանի՝ «Հայաստանն իմ օջախն է, ժողովուրդն՝ իմ ընտանիքը» լոզունգը չափազանց վտանգավոր է՝ կարծում է փիլիսոփայության դոկտոր, Հումանիտար հետազոտությունների հայկական կենտրոնի նախագահ Աշոտ Ոսկանյանը։
Փիլիսոփան վկայակոչում է Գեորգ Վիլհելմ Ֆրիդրիխ Հեգելին, որը սոցիալական կառուցվածքը դասակարգել է եռաշերտ՝ ընտանիք, քաղաքացիական հասարակություն, պետություն։ Ըստ Ոսկանյանի՝ Փաշինյանի «ժողովուրդ-ընտանիքի» թեզն անտեսում է քաղաքացիական հասարակության շերտը՝ ընտանիքն անմիջապես կապելով պետությանը։
«Իրական Հայաստանի» վերաբերյալ Աշոտ Ոսկանյանը շեշտեց. «Ողջ հասարակության անունից հանրահռչակած ցանկացած գաղափարախոսություն կեղծ գիտակցություն է»։
Նա փորձեց վերլուծել Նիկոլ Փաշինյանի այդ գաղափարախոսության հիմքում ընկած «լավ կենցաղով ապրելու» ձգտումը՝ այս համատեքստում անդրադառնալով հարցին, թե ինչո՞ւ մեր հասարակության մի մաս Ռուբեն Վարդանյանին կասկածում է անազնվության մեջ։
Կարդացեք նաև
«Եթե մարդ կենցաղային բարօրությունից այն կողմ նպատակ չունի, նա չի կարող ընկալել մարդու, որն ունի այդ կենցաղային բարօրությունը եւ գնում է ինքնազոհողության», — նշեց փիլիսոփա Ոսկանյանը։
Դասախոսի գնահատմամբ՝ այսօր մերժվում է երրորդ հանրապետությունը, հրաժարվում ենք արցախյան հետքից։
Աշոտ Ոսկանյանի խոսքն ամբողջությամբ՝ ստորեւ։
Արսեն ԱՅՎԱԶՅԱՆ
