«Հունիսի 11-ին լրանում է երկու տարին այս խայտառակ քաղաքական ֆարսի: Երեկ Ազգային ժողովում լսում եմ գխավոր դատախազին, ով հայտարարում է , որ Ադրբեջանի հետ բանավոր պայմանավորվածության արդյունքում հանել են հետախուզումը ադրբեջանցի մարդասպան, մարդ գլխատող Զեյնալիի հանդեպ:
Հիշեցնենք, որ նա ուղիղ եթերում մորթում էր տարեց արցախցուն: Այսինքն՝ տարեց արցախցուն գլխատողի հանդեպ ՀՀ դատախազությունը Նիկոլ Փաշինյանի ուղղակի հրահանգով միջազգային հետախուզումը հանում է, իսկ այստեղ երկու տարի շարունակվում է այս քաղաքական ֆարսը: Որի դեպքում, երբ լսում ես վկաներին, մարդիկ զարմանում են են՝ ինչի են այստեղ»,- ՀՀԿ փոխնախագահ Արմեն Աշոտյանի գործով դատական նիստից առաջ այսօր լրագրողներին ասաց հասարակական գործիչ Նաիրա Զոհրաբյանը:
Հարցին՝ ինչ սպասել այս գործով, տիկին Զոհրաբյանն այսպես արձագանքեց. «Ինչ սպասել մի դատարանից, որի իրական ղեկավարը Ազգային ժողովում ընդդիմադիրներին սպառնում է ոտքից կախել, անվանում է համբալներ, սպառնում է լցնել ԱԱԾ-ի պադվալներ: Կարող եմ մեկ բան ասել՝ քանի Փաշինյանը իշխանության է, ՀՀ-ն շարունակելու է գահավիժել դեպի տոտալիտար բռնապետություն»:
Նա նաեւ կոչ արեց նիստը նախագահող դատավոր Դոլմազյանին չդառնալ Փաշինյանի քաղաքական պատվերներ կատարող գործիք, որովհետեւ շատ հնարավոր է՝ մի լուսապայծառ առավոտ զարթնենք , տեսնենք՝ Փաշինյանն էլ չկա. «Տեսնենք՝ Նիկոլն իր ընկերուհի Աննա Հակոբյանի հետ թռած է լինելու երկրից եւ դուք մնալու եք ժողովրդի ու իրավական համակարգի հետ դեմ հանդիման»:
Կարդացեք նաև
Արփինե ՍԻՄՈՆՅԱՆ
