Նոր Նորքի թաղապետարանում տեղի ունեցած ծեծկռտուքից 2 շաբաթ անց զրուցել ենք ակտիվիստ Արթուր Չախոյանի հետ:
Հարցին, թե այս բացահայտումները որեւէ արձագանքի արժանանո՞ւմ են կոռուպցիայի դեմ պայքարող իշխանությունների կողմից, մեր զրուցակիցը նկատեց. «Իմ 3 տարվա հանրային գործունեությունը ցույց է տալիս, որ ոչինչ չի փոխվում, իշխանությունը ոչ մի դաս չի քաղում, եւ, առհասարակ, Փաշինյանի իշխանությունը կոռուպցիան խրախուսում է, հակառակ դեպքում այսօր որոշ մարդիկ պատժված կլինեին եւ կենթարկվեին քրեական պատասխանատվության: Բայց, ինչպես տեսնում ենք, ոչ մեկը չի կրում պատասխանատվություն, եւ դեռ մի բան էլ բարձր պաշտոններ են այդ մարդիկ ստանում»: Շենգավիթի թաղապետը նույնքա՞ն ծանր է տանում Ձեր բացահայտումները, ինչպես Տեր-Մարգարյանը։ «Նրա նման ոչ կոռեկտ, վարչական շրջանի ղեկավարին ոչ վայել վարքագիծ ու պահվածք դեռ ոչ մեկն իրեն թույլ չի տվել, այս առումով նա դեռ միակն է: Երեւանի քաղաքապետարանում բոլորը խոսում են նրա անվայել պահվածքի մասին: Թեպետ նրան չազատեցին աշխատանքից, դեռ մի բան էլ իշխանությունը նրան խրախուսեց, դատապարտեց բացառապես դատարկ խոսքերով: Ես չեմ սիրում ամպագոռգոռ հայտարարություններ անել, բայց, հաշվի առնելով նաեւ այն հանգամանքը, որ անգամ ինձ վրա մահափորձ էին արել, իսկ ես դանակով քաղաքացուն վնասազերծել եւ հանձնել էի ոստիկանությանը, սակայն մինչ օրս նա չի կրել պատասխանատվություն, այդտեղից հետեւություն, որ եթե մահափորձ անող անձին, որը նախկինում դատապարտված է եղել, չեն ենթարկել պատասխանատվության, դժվար թե թաղապետը պատասխանատվություն կրի իր արարքի համար»:
Հայկ ԳԵՎՈՐԳՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
