Մայիսի 17-ին Բելգիայի Գենտի համալսարանում հայ մեծանուն բանաստեղծ Դանիել Վարուժանի անվան ամենամյա դասախոսությունների շրջանակներում տեղի ունեցավ Հայոց ցեղասպանության ընթացքում մշակութային և այլ մեծանուն գործիչներին թիրախավորելու մասին դասախոսությունը:
Ողջույնի խոսքերով հանդես եկան Գենտի համալսարանի պատմության ամբիոնի Հին աշխարհի մշակութային պատմության պրոֆեսոր Փիթեր Վան Նուֆելենը և Արևմտահայագիտական ուսումնասիրությունների կենտրոնի հիմնադիր և նախագահ Գրիգոր Մոսկոֆյանը։
Հիմնական բանախոս, Ամստերդամի համալսարանի Հոլոքոսթի և Ցեղասպանության ուսումնասիրությունների դասախոս Ույղուր Ումիթ Ունգորն անդրադարձավ Օսմանյան կայսրությունում, ինչպես նաև համաշխարհային պատմության շրջանակներում տեղի ունեցած ցեղասպանություններին՝ ընդգծելով արդի աշխարհակարգում նման հանցագործությունների կանխարգելման կարևորությունը։ Դասախոսությանը հաջորդեց բովանդակային քննարկում և հարցուպատասխան։
Միջոցառմանը ներկա էին Գենտի համալսարանի ուսանողները, պրոֆեսորադասախոսական կազմը, հայ համայնքի ներկայացուցիչները, ինչպես նաև Բելգիայում ՀՀ դեսպանության դիվանագետները։
Կարդացեք նաև
Միջոցառման ավարտին ՀՀ դեսպանության դիվանագետները շնորհակալություն հայտնեցին նախաձեռնության համար և համալսարանի գրադարանին նվիրեցին Հայաստանի պատմության և մշակույթի մասին մի շարք գրքեր։
Բելգիայում Հայաստանի դեսպանություն
