«Իմ քայլը» դաշինքից ՀՀ ԱԺ 7-րդ գումարման պատգամավոր, պատմաբան, պատմական գիտությունների թեկնածու, ԵԽԽՎ-ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Մեր ևս մեկ «շպիոն»-ի դատապարտեցին 18 տարվա ազատազրկման։ Իսկ եթե լուրջ, ապա Իգբալ Աբիլովը թալիշական ծագում ունի, գիտական հետազոտություններով է զբաղված եղել, աշխատել է Բելառուսում, հայերի հետ էլ որևէ առնչություն չի ունեցել։ Բայց Ադրբեջանում քաղաքական դրդապատճառներով մարդկանց բանտարկելու լավագույն միջոցը նրանց հայերի հետ կապի մեջ մեղադրելն է։ Նման գործերով անցնում են բազմաթիվ ադրբեջանցիներ։
Միայն այս հանգամանքը բավարար է հասկանալու համար, որ Ալիևի վարչակարգը շարունակում է կիրառել հայերի՝ որպես թշնամու կերպար ունենալու շատ հարմարավետ քաղաքականությունը։
Եվս մեկ անգամ շեշտեմ, ի հեճուկս բազմաթիվ կանխատեսումների՝ Ալիևը շատ ավելի անհանդուրժող ու դաժան է դարձել ընդդիմախոսների հանդեպ 2020 թվականից հետո․․․
