Մայիսի 20-ին Բելգիայում ՀՀ դեսպան Տիգրան Բալայանը հանդիպում ունեցավ Բելգիայի Սենատի նորընտիր նախագահ Վենսան Բլոնդելի հետ։
Հանդիպմանը զրուցակիցներն անդրադարձան Հայաստան-Բելգիա բազմաշերտ հարաբերությունների ձեռբերումներին և խորացման հնարավորություններին, ինչպես նաև Եվրամիության հետ գործընկերության օրակարգին։
Դեսպան Բալայանը ներկայացրեց տարածաշրջանային վերջին զարգացումները` մանրամասնելով ՀՀ կառավարության «Խաղաղության խաչմերուկ» նախագծի կարևորությունը Կովկասում և անդին խաղաղության և համագործակցության մթնոլորտի հաստատման համար։
Այս համատեսքտում դեսպան Բալայանը բարձր գնահատեց Բելգիայի կառավարության, խորհրդարանի և քաղաքական ուժերի անվերապահ ու հետևողական աջակցությունը տարածաշրջանում հարատև խաղաղություն հաստատելու ուղղությամբ։
Կարդացեք նաև
Զրուցակիցներն անդրադարձան Ֆրանկոֆոնիայի շրջանակներում փոխգործակցությանը, համատեղ մշակութային նախաձեռնությունների հնարավորությանը։
Բելգիայում ՀՀ դեսպանություն
Բոլոր դեսպաններն էլ աշխատում բայց ինքնառեկլամով բոլորին զզվացրել է Տիգրան Բալայանը։ ԱԳՆ ում միլիոն գործ է արվում, բայց այս մեկը սեփական անձի գովազդով արդեն հոգնեցրել է
Հարգելի Նարեկ, չեք պատկերացնի ինչքան մարդու սրտից խոսեցիք։ Իրականում ոչինչ չանող կերպար է, բայց ոնց է իրեն թե ԱԳՆ-ում թե դրանից դուրս գովազդում, իսկ իրականում տխուր վիճակ է Բրյուսելի դեսպանատանը․․․․