Ռուսաստանի Դաշնության արտաքին գործերի նախարար Սերգեյ Լավրովի բացման խոսքը Հայաստանի Հանրապետության արտաքին գործերի նախարար Արարատ Միրզոյանի հետ բանակցությունների ընթացքում
Հարգելի Արարատ Սամվելովիչ,
Թանկագին բարեկամներ,
միշտ հաճույքով եմ այցելում Երևան:
Կարդացեք նաև
Ուրախ եմ, որ Ռուսաստանի նախագահ Վլադիմիր Վ. Պուտինի և Հայաստանի վարչապետ Ն. Վ. Փաշինյանի անցած տարվա աշնանը ձեռք բերած պայմանավորվածությունների համաձայն, մենք փոխանակում ենք այցելություններ հարաբերական դադարից հետո: Դուք այցելել եք մեզ 2025թ. հունվարին: Այսօր զգում ենք Ձեր հյուրընկալությունը: Շնորհակալություն այդ բանի համար:
Թույլ տվեք ևս մեկ անգամ շնորհավորել Ձեզ և ողջ հայ ժողովրդին մեր ընդհանուր տոնի՝ Մեծ Հաղթանակի 80-ամյակ առթիվ, որը մենք այս տարի լայնորեն նշում ենք:
Բարձր ենք գնահատում Հայաստանի վարչապետ Նիկոլ Փաշինյանի անձնական մասնակցությունը տոնակատարություններին՝ չնայած որոշ արևմտյան պաշտոնյաների անթաքույց սպառնալիքներին:
Շքերթի ժամանակ ելույթ ունենալով՝ Ռուսաստանի նախագահ Վ. Վ. Պուտինը նշեց, որ մենք հիշում ենք և միշտ կհիշենք նախկին Խորհրդային Միության յուրաքանչյուր ժողովրդի, այդ թվում՝ հայ ժողովրդի ներդրումը այս մեծ սխրանքում: Երախտապարտ ենք այն ուշադիր վերաբերմունքի համար, որը հայկական կողմը ցուցաբերում է բազմաթիվ ռազմական հուշարձանների և հուշակոթողների նկատմամբ:
Տեսել ենք, որ Հանրապետությունում մեծ ոգևորությամբ անցկացվել են խոշոր հայրենասիրական ակցիաներ, այդ թվում՝ «Անմահ գունդ» երթը, «Հիշողության այգի» ակցիան: Միասնական ենք մեր ընդհանուր պատմության այս ճակատագրական իրադարձության մասին ճշմարտությունը և հիշողությունը զգուշորեն պահպանելու անհրաժեշտության հարցում:
Մենք այսօր էլ գնահատում ենք դաշնակցային հարաբերությունները Հայաստանի Հանրապետության հետ, մեր ժողովուրդների միջև խորը կապերը: Մենք ստեղծել ենք բազմաթիվ հիմքեր մեր պետությունների միջև փոխհարաբերությունների բոլոր ոլորտներում, որոնք պետք է առավելագույնս և խելամտորեն օգտագործել:
Ինչպես և նախկինում՝ անվտանգության ոլորտը համարում ենք մեր դաշնակցության կարևորագույն չափումներից մեկը: Պատրաստ ենք ամեն կերպ նպաստել Հայաստանի ինքնիշխանության և տարածքային ամբողջականության պաշտպանության ապահովմանը:
Այս տարի նշում ենք Հայաստանի Հանրապետության տարածքում ռուսական ռազմական բազայի մասին պայմանագրի կնքման 30-ամյակը և Ռուս-հայկական մարդասիրական արձագանքման կենտրոնի ստեղծման 10-ամյակը: Հայ-թուրքական և հայ-իրանական սահմանին հայ գործընկերների հետ միասին ծառայությունը շարունակում են կատարել ռուս սահմանապահները:
Մենք խոսել ենք տնտեսության ոլորտում ձեռքբերումների մասին: Դա իսկապես այդպես է: Ռուսաստանը հիմնական առևտրային գործընկերն է, հայկական տնտեսության մեջ ներդրող և Հանրապետության էներգետիկ և պարենային անվտանգության հուսալի երաշխավոր: Այս պայմանավորվածությունները լիովին պահպանում են իրենց ուժը:
Համաձայն եմ Ձեզ հետ այն հարցում, որը վերաբերում է միջկառավարական հանձնաժողովի հավասարաչափ աշխատանքի բարձր գնահատականին, որը ուղղություն է տալիս Ռուսաստանի և Հայաստանի պետական, կառավարական կառույցների և բիզնեսի զարգացմանը:
2024 թվականի արդյունքները իսկապես տպավորիչ են: Դրանցից պետք է հիմք ընդունել և շարժվել փոխշահավետ համագործակցության հետագա ընդլայնման ուղղությամբ:
Լիովին համաձայն եմ Ձեզ հետ՝ ինչ վերաբերում է մշակութային-մարդասիրական կապերի ամրապնդման նշանակությանը: Սա ավանդաբար շատ դինամիկ ուղղություն է, որը մեծ հետաքրքրություն և աջակցություն է վայելում երկու երկրների քաղաքացիների կողմից: Անցած տարի տեղի է ունեցել ավելի քան 700 տարբեր միջոցառում՝ գործնականորեն օրական երկու մշակութային միջոցառում: Այս տարի միտումը շարունակվում է: Հոկտեմբերին Ռուսաստանում սպասում ենք Հայկական մշակույթի օրերին:
ԵԱՏՄ-ն դառնում է ավելի ու ավելի արդյունավետ, ինքնաբավ: Ինչպես դուք նշեցիք, այն ցուցաբերում է կայունություն և արդյունավետություն համաշխարհային շուկայում տեղի ունեցող տարբեր իրադարձությունների ֆոնին:
Արդիական է նաև համագործակցության ընդլայնումը ԱՊՀ հարթակում:
Խոսելով տարբեր ինտեգրացիոն կառույցների մասին՝ մենք շահագրգռված ենք, որպեսզի Հայաստանն ակտիվորեն ներգրավվի նաև ՇՀԿ-ի շրջանակներում ծավալվող հեռանկարային գործընթացներում, ինչպես նաև ԲՐԻԿՍ-ի հովանու ներքո:
Անկեղծորեն շահագրգռված ենք Երևանի և Բաքվի հարաբերությունների լիարժեք կարգավորման մեջ: Կարծում ենք, որ դրա համար ամուր հիմք է հանդիսանում 2020-2022 թթ. Ռուսաստանի և Ադրբեջանի նախագահների և Հայաստանի վարչապետի միջև բարձրագույն մակարդակով ձեռք բերված եռակողմ պայմանավորվածությունների համալիրը (1, 2, 3, 4): Ողջունում ենք Հայաստանի և Ադրբեջանի միջև խաղաղության պայմանագրի տեքստի համաձայնեցումը: Պատրաստ ենք օգնել բոլոր այն հարցերի լուծմանը, որոնք այժմ անհրաժեշտ է կարգավորել այս փաստաթղթի լիարժեք ստորագրման համար:
Միշտ կարող եք հույս դնել մեզ վրա տրանսպորտային և տնտեսական հաղորդակցությունների արգելաբացման, հայ-ադրբեջանական սահմանի սահմանազատման գործում և այս կապակցությամբ առաջացող բոլոր մարդասիրական հարցերի լուծման հարցում՝ հաշվի առնելով յուրաքանչյուր կողմի շահերը:
Խոսելով տարածաշրջանի մասին՝ տեսնում ենք զգալի ներուժ «3+3» տարածաշրջանային համագործակցության հարթակի շրջանակներում աշխատանքի զարգացման մեջ, որը ներկայացնում է Հարավային Կովկասի երկրները և նրանց անմիջական հարևանները (Ռուսաստան, Իրան և Թուրքիա): Արդեն տեղի է ունեցել երկու հանդիպում նախարարական մակարդակով Թեհրանում և Ստամբուլում: Ներկայում ընթանում է երրորդ նման ֆորումի նախապատրաստումը: Հուսով ենք, որ այսօր կկարողանանք քննարկել նաև այս հարցերը:
Երևան, 2025 թվականի մայիսի 21
ՌԴ ԱԳՆ
