Այս քրեական գործն իրավական աճպարարության եւ մարդկային ողբերգության հերթական դրսեւորումն է․ դատարանի մոտ լրագրողների հարցերին ի պատասխան ասաց ՀՀ երրորդ նախագահ Սերժ Սարգսյանը։
Հարց հնչեց նաեւ ԱԺ «Պատիվ ունեմ» խմբակցության կողմից վարչապետի թեկնածու Էդմոն Մարուքյանի թեկնածությունը չսատարելու մասին։ Երրորդ նախագահն ասաց, որ խմբակցության հայտարարության մեջ ամեն ինչ շատ հստակ գրված է, եթե Էդմոն Մարուքյանը հայերեն լավ չի հասկանում, ինքը կխնդրի խմբակցության ղեկավարին՝ պարզաբանել։
Մանրամասները՝ տեսանյութում
Կարդացեք նաև
Հիշեցնենք, այսօր Հակակոռուպցիոն դատարանում մեկնարկել է ՀՀ երրորդ նախագահ Սերժ Սարգսյանին վերագրվող հերթական դատական գործը։ Նրան մեղադրում են 20 տարվա վաղեմության մի գործարքի համար, որը նա կնքել է պաշտպանության նախարար եղած տարիներին․ խոսքը հողերի օտարման մասին է։ Ըստ մեղադրանքի՝ Սերժ Սարգսյանն Իսակովի պողոտայի որոշ հողամասեր ՀՀ երկրորդ նախագահին պատկանող «Տոյոտա-Երեւան»-ին փոխանցելու համար, էժան գնով է վաճառել: Իշխանությունը շահարկում է հողակտորների՝ Եռաբլուրին մոտ լինելու հանգամանքը, սակայն այդ հողակտորները մեծամասամբ Եռաբլուրի դիմացի մայթին են, դրանց մի մասն էլ Չինաստանի դեսպանատան կառուցմանն է հատկացվել։ Սերժ Սարգսյանի փաստաբանը հայտարարել է, որ իրականության հետ կապ չունեցող մեղադրանք է` քաղաքացիաիրավական գործարքները դատախազությունը քրեականացրել է։
Նելլի ԳՐԻԳՈՐՅԱՆ
