Region Monitor. Թուրքիայի նախագահ Ռեջեփ Թայիփ Էրդողանը, մասնակցելով Հունգարիայում անցկացվող Թյուրքական պետությունների կազմակերպության ոչ պաշտոնական գագաթնաժողովին, անդրադարձել է Կովկասում տեղի ունեցող զարգացումներին։
«Թյուրքական աշխարհի համար ռազմավարական կարևորություն ունեցող Կովկասում ընթացող զարգացումներին մոտիկից հետևում ենք։ Գոհ ենք, որ Ադրբեջանը համաձայնության է եկել Հայաստանի հետ խաղաղության պայմանագրի հարցում։ Եթե հնարավոր լինի երկու երկրների միջև մնայուն խաղաղություն հաստատել, իրավիճակն անկասկած իր հետ բազմաթիվ հնարավորություններ է բերելու թյուրքական աշխարհի համար: Այս համատեքստում վստահ եմ, որ հաղթանակած նախագահ, իմ սիրելի եղբայր Ալիևը պատմության մեջ մնալու է որպես առաջնորդ, որը խաղաղություն է բերել տարածաշրջան»,-հայտարարել է Էրդողանը։
