ՀՀ ներքին գործերի նախարարի տեղակալ Արմեն Ղազարյանը «Արմենպրեսի» մամուլի սրահում կայացած ասուլիսում նշեց,որ այս պահի դրությամբ Արցախից բռնի տեղահանված 9451 անձ դիմել է Հայաստանի քաղաքացիություն ստանալու համար, իսկ քաղաքացիություն ստացածների թիվն արդեն 8315 է:
Նրա ձեւակերպմամբ՝ ներկայումս դիմելիության առումով որոշակի ակտիվություն կա՝ օրական 40-50 դիմում են ստանում:
«Լեռնային Ղարաբաղից բռնի տեղահանված մեր հայրենակիցների քաղաքացիության թեմայի վերաբերյալ ինչ-ինչ միֆեր են հյուսվել, որոնք իրավական հիմքեր չունեն եւ իրականության հետ կապ չունեն։ Մենք բացատրել ենք այս բավականին բարդ թեման, ու կամաց-կամաց ձևավորվում է այն ընկալումը, որ երկարաժամկետ իրավական կապ պետք է ստեղծել Հայաստանի հետ, իսկ դա հնարավոր է միայն քաղաքացիության ճանապարհով»,-ընդգծեց Արմեն Ղազարյանը։
Կարդացեք նաև
Գոհար ՀԱԿՈԲՅԱՆ
