Գյումրու նորընտիր քաղաքապետ Վարդան Ղուկասյանը, որն իր նախընտրական քարոզարշավի ժամանակ խոստանում էր քաղաքապետ ընտրվելուն պես բարձրացնել Գյումրու քաղաքապետարանի աշխատակիցների աշխատավարձը, ինչն, ի դեպ, շատ ցածր է, այսօր լրագրողների հետ ճեպազրույցում վերահաստատեց իր խոսքը։
«Հիմա բարձրաձայնում եմ՝ հաջորդ ամիս ավագանու նիստը լինելուց հետո 20-30 տոկոս բարձրանալու է բոլորի աշխատավարձը, բոլորի՝ քաղաքապետարանի, ենթակառույցների, մշակույթի, կրթության, սպորտի, կոմունալի, բոլորի աշխատավարձը։
Միջոցները կտեսնեք որտեղից՝ գույքահարկի, հողի հարկի, տեղական տուրքերի և անփույթ աշխատանքի, որ արվել է նախկին տարիներին, պատկերացրեք 600-ից ավելի վարձակալության պայմանագրերից, որոնց ժամկետներն անցել են, 300 է մնացել, մոտ հարյուր քանի միլիոն դրամ օդի մեջ կախված է։ Ես չեմ ուզում վարկաբեկել, խայտառակել, բայց պատկերացրեք, հիմա ինչ որ անում ենք, ուժերից վեր գործ ենք անում», -ասաց Վարդան Ղուկասյանը։
Նա ասաց, որ ինքը խոստացել էր 50 տոկոս բարձրացնել, հիմա կբարձացնի 20-30 տոկոս, որը մեծ բան է, իր խոստումը կկատարի աստիճանաբար։
Կարդացեք նաև
Նունե ԱՐԵՎՇԱՏՅԱՆ
