«Երեք-չորս ամիս է, որ որոշակի կազմակերպչական գործի մեջ ենք Հայաստանի ողջ տարածքում։ Դրա 90 տոկոսը չի երեւացել, մեր ռազմավարությունը հենց եղել է, որպեսզի որեւէ կերպով չարտահայտվի դա։ Դա մեր քաղաքականությունն ու սկզբունքն է եղել։ Մի մասն էլ որոշ իմաստով աչքի համար տեսանելի երեւացել է։ Մենք ահռելի մեծ կազմակերպչական աշխատանքներ ենք կատարել՝ մարդկանց պատրաստելով փողոցային պայքարի, քաղաքացիական անհնազանդության պայքարի»,- այսօր լրագրողների հետ ճեպազրույցում ասաց «Սրբազան շարժման» առաջնորդ Բագրատ սրբազանը։
Նա համոզմունք հայտնեց, որ այս անգամ վերջակետը դրվելու է։ Հարցին, թե ժամկետներ կա՞ն, երբ կմեկնարկեն գորոծղությունները, Բագրատ սրբազանը պատասխանեց․ «Այսօր-վաղը որոշում կայացնելու առջեւ ենք մենք կանգնած՝ հաշվի առնելով մեկ-երկու փոքրիկ հանգամանքներ։ Ուրիշ բան չկա խանգարող։ Իմ ամբողջ մտածումն այն է, որ մենք ոչ թե չսխալվենք, այլ չձախողենք այս անգամ։ Եվ այդ պատճառով շատ զգուշավոր ենք թե խոսելու, թե անելիքների հարցում»։
Կարդացեք նաև
Բագրատ սրբազանը հավելեց, որ 2026 թվականի ընտրությունները պետք է տեղի ունենան առանց ՔՊ-ի։ «Այսինքն՝ այս օրերին իրենք պետք է ջախջախվեն ուղղակի»,- ընդգծեց նա։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
