Պատ­մա­կան ի­րո­ղու­թիւ­նը՝ հրեա­յի մը աչ­քով. Աու­րո­նի «Իս­րա­յէլ եւ ­Հա­յոց ցե­ղաս­պա­նու­թիւ­նը» գիրքը յու­նա­րէ­նի թարգ­մա­նո­ւե­ցաւ. «Ազատ օր»

­Հա­յոց ցե­ղաս­պա­նու­թեան պատ­մա­կան եւ ի­րա­ւա­կան ծալ­քե­րու ու­սում­նա­սի­րու­թիւ­նը ար­դէն կ՚ընդգր­կէ մեծ թի­ւով աշ­խա­տու­թիւն­ներ, ո­րոնք մի­ջազ­գա­յին գետ­նի վրայ կ­՚ի­րա­զե­կեն հայ ժո­ղո­վուր­դի մե­ծա­գոյն ող­բեր­գու­թեան մա­սին։ Ա­նոնց­մէ մեծ թի­ւով հրա­տա­րա­կու­թիւն­ներ թարգ­մա­նո­ւած են յու­նա­րէն լե­զո­ւով եւ տրա­մադ­րե­լի են պատ­մա­կան ո­լոր­տի հե­տա­զօ­տող շրջա­նակ­նե­րուն, այ­լեւ հա­սա­րա­կու­թեան, որ­պէս գի­տա­կան աղ­բիւր­ներ եւ օգ­տա­գոր­ծե­լի նիւ­թեր։

Այդ շար­քին մէջ կը դա­սո­ւի հրեայ Եայր Աու­րո­նի «Իս­րա­յէլ եւ ­Հա­յոց ցե­ղաս­պա­նու­թիւ­նը» գիր­քը, որ յու­նա­րէ­նի թարգ­մա­նո­ւե­ցաւ ­Սեր­գօ Ա­ղա­պա­տեա­նի կող­մէ։ Ն­շենք, որ վեր­ջի­նը հա­րուստ փոր­ձա­ռու­թիւն մը կու­տա­կած է տաս­նա­մեակ­նե­րու ըն­թաց­քին՝ հայ ժո­ղո­վուր­դի պատ­մու­թեան հետ կապ ու­նե­ցող ինք­նա­գիր հրա­տա­րա­կու­թիւն­նե­րու պատ­րաս­տու­թեամբ, ինչ­պէս նաեւ թարգ­մա­նի­չի դե­րով, լոյս աշ­խարհ ըն­ծա­յե­լով ըն­թեր­ցող­նե­րու ի­մա­ցա­կան աշ­խար­հը զար­գաց­նող խնա­մո­ւած հա­տոր­ներ։

Հ­րեա­յի մը աչ­քով դի­տո­ւած ­Հա­յոց ցե­ղաս­պա­նու­թեան պատ­մա­կան ի­րո­ղու­թիւ­նը, ինչ­պէս նաեւ նոյ­նան­ման տա­ռա­պան­քին են­թար­կո­ւած ժո­ղո­վուր­դի մը հո­գե­բա­նա­կան ու քննա­կան հա­յեաց­քով նիւ­թը շօ­շա­փե­լու փոր­ձը, թարգ­մա­նի­չի աշ­խա­տան­քին շնոր­հիւ կը դառ­նայ կա­րե­ւոր մէկ աղ­բիւր։ ­Չո­րեք­շաբ­թի, 14 ­Մա­յիս 2025-ի ե­րե­կո­յեան, ըն­թեր­ցա­սէր հա­սա­րա­կու­թիւ­նը ներ­կայ ե­ղաւ Ա­թէն­քի Հ­րէա­կան կեդ­րո­նէն ներս, մօ­տէն ճանչ­նա­լու հա­մար գիր­քի հրա­տա­րա­կու­թեան։

­Հե­տաքրք­րա­կան ե­ղաւ հրեայ հե­տա­զօ­տող ­Մո­րիս ­Սա­քի­սի նե­րա­ծու­թիւ­նը, որ շեշ­տա­կիօ­րէն նշեց, թէ մինչ հրեայ ժո­ղո­վուր­դին մէջ անժխ­տե­լի կը մնայ ­Հա­յոց ցե­ղաս­պա­նու­թեան ի­րա­ւա­ցիու­թեան փաս­տը, պե­տու­թիւ­նը չկա­մու­թին ցոյց կու տայ պաշ­տօ­նա­պէս ճանչ­նա­լու ա­նոր պատ­մա­կան ի­րո­ղու­թիւ­նը, որ­պէս­զի նախ ա­ռաջ­նա­կարգ դիր­քի վրայ մնայ Ող­ջա­կիզ­ման ըն­կա­լու­մը որ­պէս մե­ծա­գոյն ո­ճիր, ա­պա ան կապ ու­նի տա­րա­ծաշր­ջա­նա­յին մե­ծա­պե­տա­կան հա­շիւ­նե­րուն հետ, յատ­կա­պէս ­Թուր­քիոյ եւ Ատր­պէյ­ճա­նի հետ գոր­ծակ­ցու­թեան որ­պէս հե­տե­ւանք։ ­Խօ­սո­ղը յա­ռաջ բե­րե­լով մի­ջազ­գա­յին ար­դա­րու­թեան եւ բա­րո­յա­կան սկզբունք­նե­րուն ար­ժէք­նե­րը, մատ­նան­շեց ­Հա­յոց ցե­ղաս­պա­նու­թեան ճա­նաչ­ման անհ­րա­ժեշ­տու­թիւ­նը։
­Հե­տաքրք­րա­կան ե­ղաւ հրեայ-յոյն ­Թրասիվուլոս ­Փա­փասթ­րա­թի­սի վեր­լու­ծա­կան խօս­քը։ Ան յայտ­նեց, թէ իր վաղ ե­րի­տա­սար­դու­թեան օ­րե­րէն ու­սում­նա­սի­րած է ­Հա­յոց ցե­ղաս­պա­նու­թեան պատ­մա­կան ծալ­քե­րը, միա­ժա­մա­նակ հաս­տա­տե­լով նաեւ գեր­ման կայ­սե­րա­պաշ­տու­թեան մեղ­սակ­ցու­թիւ­նը, որ ա­ւե­լի յե­տոյ պի­տի դառ­նար Ող­ջա­կիզ­ման պատ­ճա­ռը, ա­ռաջ­նոր­դե­լով մի­լիո­նա­ւոր հրեա­նե­րու ոչն­չաց­ման։
Ան յատ­կան­շա­կա­նօ­րէն ար­տա­յայ­տո­ւե­ցաւ հրեայ անձ­նա­ւո­րու­թիւն­նե­րու մա­սին, ո­րոնք փոր­ձե­ցին ե­րե­ւան հա­նել ­Հա­յոց Ե­ղեռ­նիի փաս­տը, նշե­լով Ֆ­րանց ­Վեր­ֆե­լի ­Մու­սա ­Տա­ղի վէ­պը, որ լայն տա­րա­ծում գտաւ հրեայ զան­գո­ւած­նե­րուն մէջ։ ­Խօ­սո­ղը նաեւ փոր­ձեց մեկ­նա­բա­նել ­Ցե­ղաս­պա­նու­թեան ճա­նաչ­ման դժկա­մու­թեան հետ կապ ու­նե­ցող Իս­րա­յէ­լի պե­տա­կան եւ ար­տա­քին քա­ղա­քա­կա­նու­թեան մօ­տե­ցում­նե­րը, ամ­փո­փե­լով, որ բա­րո­յա­կան հի­մե­րու վրայ յե­նած սկզբունք­նե­րը ի վեր­ջոյ պի­տի սա­տա­րեն ­Հա­յոց ցե­ղաս­պա­նու­թեան ճա­նաչ­ման գոր­ծին՝ նաեւ Իս­րա­յէ­լի կող­մէ։
­
Ք.Է.

Կարդացեք նաև

Պերլինի յայտնի հրէական ճաշարանը «Իսրայէլի օր»-ը ընտրած է կատակով մը նշելու պաղեստինցիներուն սպանդը

• 10:33 19.05.2025

Տապալե՛լ իրանեւամերիկեան բանակցային գործընթացը կը նշանակէ Թրամփի քաղաքականութիւնը պատանդ վերցնել Կովկասի գերզգայուն բեմին վրա. «Ասպարեզ»

• 11:45 07.05.2025

Անյապաղ կերպով, հնարաւոր ամէն միջոցի դիմենք ապահովելու համար Պաքուի մէջ ապօրինաբար պահուող հայ բոլոր գերիներու վերջնական ազատ արձակումը․ ՌԱԿ

• 23:45 19.04.2025

Հոդվածն ամբողջությամբ՝ Հունաստանում տպագրվող «Ազատ օր» օրաթերթի այսօրվա համարում