ԱԺ նախագահ Ալեն Սիմոնյանը լրագրողների հետ ճեպազրույցում անդրադարձավ հարցին, թե ինչո՞ւ ՔՊ-ն հետաձգեց պարտադիր զինվորական ծառայության վերաբերյալ ՔՊ-ական պատգամավոր Հայկ Սարգսյանի նախագծերի փաթեթի քննարկումը։
Նա ասաց, որ քննարկումները շարունակվում են, նախագծերը որոշ փոփոխությունների կարիք կունենան, բայց անհրաժեշտություն են ՀՀ անվտանգությունն ապահովելու համար։
«Ես կարծում եմ, որ վերջնանպատակը մեր երկրի համար պետք է լինի լիակատար պրոֆեսիոնալ բանակը, որտեղ կծառայեն մարդիկ, ովքեր դրան կվերաբերվեն որպես մասնագիտություն՝ ամենայն պատասխանատվությամբ։ Եվ այն իրավիճակը,որը մեր երկրում եղել է, կա արդեն տասնամյակներ շարունակ, պետք է ինչ-որ ձեւով սկսել կարգավորել»,- ասաց Ալեն Սիմոնյանը։
Նա նշեց, որ այն մարդիկ, ովքեր փորձել են գումարով իրենց երեխաներին ազատել բանակից, դա արել են, դրա դեմ պայքար նույնպես տարվում է եւ տարվելու է։
Կարդացեք նաև
«Պետք է ասեմ նաեւ, որ 10 հազարից ավելի հետախուզվող մարդիկ կան, որոնք խուսափել են բանակից»,- հավելեց Ալեն Սիմոնյանը։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
Լուսանկարում՝ Ալեն Սիմոնյանը զինված ուժերի կազմավորման տոնին ընդառաջ՝ ԱԺ-ում 27/01/2025-ին ընդունել է մի շարք ժամկետային զինծառայողների։
